ཧྭ་ཝེའི་རིག་ལྡན་འཚོ་བ་དང་སྒེར་གསང་སྐོར་གྱི་གསལ་བསྒྲགས།

གསར་བསྒྱུར་བྱས་པའི་ཚེས་གྲངས། 2021ལོའི་ཟླ་7པོའི་ཚེས་30ཉིན།

ཧྭ་ཝེའི་རིག་ལྡན་འཚོ་བ་ཞེས་པ་ནི་ཧྭ་ཝེ་མཐའ་སྣེ་ཚད་ཡོད་ཀུང་སིས་(གཤམ་དུ་ང་ཚོའམ་ཧྭ་ཝེ་ཞེས་འབོད།)ཁྱེད་ལ་རིག་ལྡན་སྒྲིག་ཆས་ཚོད་འཛིན་དང་དོ་དམ་གྱི་ཞབས་ཞུ་མཁོ་འདོན་བྱེད་པའི་ཉེར་སྤྱོད་ཅིག་ཡིན། ཧྭ་ཝེ་ཡིས་ཁྱེད་ཀྱི་མི་སྒེར་གྱི་ཆ་འཕྲིན་དང་སྒེར་གསང་སྲུང་སྐྱོབ་ལ་ཧ་ཅང་མཐོང་ཆེན་བྱེད། ང་ཚོས་བཅའ་ཁྲིམས་ཀྱི་བླང་བྱ་དང་ལས་རིགས་ཀྱི་བྱང་ཆུབ་པའི་བདེ་འཇགས་ཚད་གཞི་གཞིར་བཟུང་ནས་ཁྱེད་ཀྱི་མི་སྒེར་གྱི་ཆ་འཕྲིན་ལ་དེ་མཚུངས་ཀྱི་བདེ་འཇགས་སྲུང་སྐྱོང་བྱ་ཐབས་མཁོ་འདོན་བྱ་རྒྱུ་ཡིན།

ང་ཚོས་ཁྱེད་ཀྱི་ཧྭ་ཝེའི་དྲ་གྲངས་ཀྱི་ཆ་འཕྲིན་སྤྱད་ནས་རིག་ལྡན་འཚོ་བའི་ཉེར་སྤྱོད་ཀྱི་ཞབས་ཞུ་ཆས་ཀྱི་ལྟ་སྤྱོད་དབང་ཚད་ཐོབ་ཐབས་བྱེད་སྲིད་དེ། གལ་ཏེ་ཁྱེད་ཀྱིས་ཧྭ་ཝེའི་དྲ་གྲངས་ཀྱི་ཆ་འཕྲིན་མཁོ་འདོན་མི་བྱེད་ཚེ། ཁྱེད་ཀྱིས་རིག་ལྡན་འཚོ་བས་མཁོ་འདོན་བྱས་པའི་ཞབས་ཞུ་ཁ་ཤས་སྤྱོད་ཐབས་བྲལ་སྲིད།

ང་ཚོས་ཁྱེད་ཀྱི་མི་སྒེར་གྱི་ཆ་འཕྲིན་བསྡུ་རུབ་བྱས་ཏེ་རིག་ལྡན་སྒྲིག་ཆས་དོ་དམ་གྱི་གཞི་རྩའི་ཞབས་ཞུ་དང་། སྤྱོད་མཁན་གྱི་བཟོ་ལྗོངས། ཁྱི་ཚང་གི་དོ་དམ་དང་གནད་དོན་ལྡོག་འདྲེན་སོགས་རྩོལ་ནུས་སྤེལ་བདེ་བར་བྱ་ལ། ཞིབ་ཕྲ་གཞུང་དངོས་སུ་ཞིབ་བརྗོད་བྱས་པ་བཞིན་ཡིན།

ང་ཚོས་ད་དུང་ཁྱེད་ལ་ཁྲོམ་ར་དང་། གླེང་སྟེགས་དང་སྤྱོད་པ་པོའི་ཉམས་ལེན་ལེགས་བཅོས་འཆར་གཞི་མཁོ་འདོན་བྱེད། ཞིབ་ཕྲ་གཞུང་དངོས་སུ་ཞིབ་བརྗོད་བྱས་པ་བཞིན་ཡིན།

ང་ཚོས་སྐྱེ་ཁམས་རོགས་ཟླ་དང་མཉམ་འབྲེལ་སྒོས་ཁྱེད་ལ་སྒྲིག་ཆས་མཉམ་སྤྱོད་ཀྱི་རྩོལ་ནུས་མཁོ་འདོན་བྱེད་ལ། ཁྱེད་ཀྱི་སྒྲིག་ཆས་ཆ་འཕྲིན་དེ་སྐྱེ་ཁམས་རོགས་ཟླར་མཉམ་སྤྱོད་བྱས་ནས་སྔར་བས་སྤུས་ལེགས་ཀྱི་ཞབས་ཞུ་མཁོ་འདོན་བྱེད་བདེ་བ་བཟོ་སྲིད།

ང་ཚོས་ཁྱེད་ཀྱི་ཧྭ་ཝེའི་དྲ་གྲངས་ཀྱི་ཆ་འཕྲིན་དང་། དེ་བཞིན་རིག་ལྡན་འཚོ་བའི་ཉེར་སྤྱོད་ཀྱི་ཆ་འཕྲིན་དང་དེའི་ནང་བསྡམ་པའི་སྒྲིག་ཆས་ཀྱི་ཆ་འཕྲིན་བེད་སྤྱད་དེ་རྩོལ་ནུས་ལེགས་བཅོས་བྱེད་པ་དང་འབྲེལ་ཁྱེད་ལ་རང་གཤིས་ཅན་གྱི་འོས་སྦྱོར་མཁོ་འདོན་བྱེད། ཞིབ་ཕྲ་གཞུང་དངོས་སུ་ཞིབ་བརྗོད་བྱས་པ་བཞིན་ཡིན།

ཁྱེད་རང་བྱེད་སྒོའི་ནང་ཞུགས་ནས་དངོས་རྫས་ཀྱི་བྱ་དགའ་ཐོབ་པའམ་ཡང་ན་ལག་རྟགས་སོགས་ཀྱི་བྱ་དགའ་ལེན་སྐབས་ཁྱེད་རང་ལ་དངོས་རྫས་ཀྱི་བྱ་དགའ་སྤྲོད་ཆེད། ང་ཚོས་ཕྱོགས་གསུམ་པའི་ཟོག་འགྲེམས་ཀུང་སི་ལ་ཁྱེད་ཀྱི་འབྲེལ་གཏུག་བྱ་ཐབས་མཁོ་འདོན་བྱེད་དགོས། ཞིབ་ཕྲ་གཞུང་དངོས་སུ་ཞིབ་བརྗོད་བྱས་པ་བཞིན་ཡིན།

1. ང་ཚོས་ཇི་ལྟར་ཁྱེད་ཀྱི་མི་སྒེར་གྱི་ཆ་འཕྲིན་བསྡུ་རུབ་དང་བེད་སྤྱོད་བྱེད་དམ།

1.1 དྲ་གྲངས་ཐོ་འཇུག

ཁྱེད་ཀྱིས་རིག་ལྡན་འཚོ་བའི་ཞབས་ཞུ་བེད་སྤྱོད་པ་དང་རིག་ལྡན་སྒྲིག་ཆས་དོ་དམ་བྱེད་པ་ལ་ང་ཚོས་ཁྱེད་ཀྱི་གཤམ་གསལ་ཆ་འཕྲིན་བསྡུ་རུབ་བྱེད་དགོས་ཏེ། ཁྱེད་ཀྱི་ཧྭ་ཝེའི་ཐོ་ཨང་གི་སྤྱོད་མཁན་གྱི་མིང་། ཐོ་འཇུག་གསང་གྲངས། གཅེས་མིང་། མགོ་པར་བཅས་ཡིན། དེའི་ཁྲོད་དུ་གསང་གྲངས་ནི་མི་སྒེར་གྱི་ཚོར་བ་སྐྱེན་པའི་ཆ་འཕྲིན་དུ་གཏོགས། ཆ་འཕྲིན་འདི་རིགས་བསྡུ་རུབ་བྱེད་པའི་དམིགས་ཡུལ་ནི་ཧྭ་ཝེའི་ཐོ་ཨང་གི་ཞབས་ཞུའི་སྟེགས་བུར་ཐོ་འཇུག་བྱས་ནས་སྤྱོད་མཁན་ཐོབ་ཐང་ར་སྤྲོད་དང་། རིག་ལྡན་འཚོ་བའི་ཉེར་སྤྱོད་ཞབས་ཞུའི་སྟེགས་བུར་ལྟ་སྤྱོད་བྱེད་པའི་དབང་ཚད་ཐོབ་ཆེད་དུ་ཡིན།

ང་ཚོས་གཤམ་གྱི་བྱེད་ཐབས་ལྟར་ཁྱེད་ཀྱི་མི་སྒེར་ཆ་འཕྲིན་བེད་སྤྱོད་དེ།ཁྱེད་ཀྱིས་ནང་འཇུག་བྱས་པའི་ཧྭ་ཝེའི་ཐོ་ཨང་གི་སྤྱོད་མཁན་གྱི་མིང་དང་ཐོ་འཇུག་གསང་གྲངས་ཀྱི་ར་སྤྲོད་ཆ་འཕྲིན་གསང་སྡོམ་བྱས་ཏེ་ཧྭ་ཝེའི་ཐོ་ཨང་གི་ཞབས་ཞུའི་སྟེགས་བུར་བརྒྱུད་སྐུར་བྱས་ནས་ཐོ་འཇུག་ར་སྤྲོད་བྱེད་སྲིད། ཉེར་སྤྱོད་རང་གནས་དང་ཞབས་ཞུའི་སྟེགས་བུར་ཁྱེད་ཀྱིས་ནང་འཇུག་བྱས་པའི་ཆ་འཕྲིན་ཉར་ཚགས་བྱེད་མི་སྲིད།

གལ་ཏེ་ཁྱེད་ཀྱིས་ཆ་འཕྲིན་འདི་རིགས་མཁོ་འདོན་མི་བྱེད་པ་དང་། ཧྭ་ཝེའི་ཐོ་ཨང་ཐོ་འཇུག་བྱས་མེད་ཚེ། ཧྭ་ཝེའི་རིག་ལྡན་འཚོ་བའི་ལས་སྒོ་བེད་སྤྱོད་གཏོང་མི་ནུས། ཧྭ་ཝེའི་ཐོ་ཨང་ཐོ་འཇུག་བྱས་རྗེས། རིག་ལྡན་འཚོ་བའི་ཉེར་སྤྱོད་ཀྱིས་རང་འགུལ་ཐོག་ནས་དྲ་གྲངས་ཀྱི་གཅེས་མིང་དང་མགོ་པར་ཐོབ་ཐབས་བྱེད་སྲིད་ཅིང་། ཉེར་སྤྱོད་ཀྱི་མཚམས་ངོས་སུ་འཆར་སྲིད།

1.2 རིག་ལྡན་སྒྲིག་ཆས་དོ་དམ་གྱི་རྨང་གཞིའི་ཞབས་ཞུ།

རིག་ལྡན་སྒྲིག་ཆས་རྙེད་ཐུབ་པ་དང་ WLAN དྲ་རྒྱ་དང་སྦྲེལ་མཐུད་བྱ་ཆེད། རིག་ལྡན་འཚོ་བའི་ཉེར་སྤྱོད་ཀྱིས་ལག་ཁྱེར་ཁ་པར་གྱི་གནས་ཡུལ་དབང་ཚད་ལ་ལྟ་སྤྱོད་བྱ་དགོས་ཤིང་། WLAN རེའུ་མིག་དང་ཁྱེད་ཀྱིས་ནང་འཇུག་བྱས་པའི WLAN མིང་། WLAN ཡི་གསང་གྲངས་བཅས་ལེན་དགོས། དེའི་ནང་གི་ WLAN ཡི་གསང་གྲངས་ནི་མི་སྒེར་གྱི་ཚོར་སྐྱེན་ཆ་འཕྲིན་གྱི་ཁོངས་སུ་གཏོགས། གོང་བརྗོད་ཀྱི་ཆ་འཕྲིན་ནི་གནས་འདི་ག་ཁོ་ནར་བེད་སྤྱོད་བྱེད་པ་ལས་ཞབས་ཞུ་འཕྲིན་ཆས་སུ་ཡར་སྐུར་མི་སྲིད།

ཁྱེད་ཀྱིས་སྒྲིག་ཆས་དང་སྡོམ་པར་སྟབས་བདེ་ཡོང་ཆེད། ཁྱེད་ཀྱིས་རིག་ལྡན་འཚོ་བའི་ཉེར་སྤྱོད་ནས་གསང་ཨང་ཡིད་ལ་འཛིན་པ་སྒྲིག་འགོད་བྱེད་ཆོག WLAN ཡི་གསང་གྲངས་དེ་གསང་སྡོམ་བྱས་ནས་རིག་ལྡན་འཚོ་བའི་ཉེར་སྤྱོད་ཀྱི་རང་གནས་སུ་ཉར་ཚགས་བྱས་ཏེ། རྗེས་མར་སྒྲིག་ཆས་དངབསྡམ་སྐབས་བེད་སྤྱོད་བྱ་ལ། ཡང་བསྐྱར་WLAN ཡི་གསང་གྲངས་ནང་འཇུག་བྱེད་མི་དགོས། འོན་ཀྱང་ཁྱེད་ཀྱིས་གསང་གྲངས་ཡིད་ལ་འཛིན་པ་སྒྲིག་འགོད་མི་བྱེད་ཚེ། སྒྲིག་ཆས་སྡོམ་པའི་རྩོལ་ནུས་བེད་སྤྱོད་བྱེད་པར་ཤུགས་རྐྱེན་མི་ཐེབས།

གལ་ཏེ་ཁྱེད་ཀྱིས་རང་འགུལ་གྱིས་WLAN མིང་དང་WLAN གསང་གྲངས་ལེན་པར་རྒྱབ་སྐྱོར་བྱེད་པའི་ཧྭ་ཝེའི་ལག་ཁྱེར་ཁ་པར་རམ་ཡང་ན་ལམ་སྟོན་ཆས་སྤྱད་ཚེ། WLAN མིང་དང་WLAN གསང་གྲངས་རང་འགུལ་གྱིས་ཁ་སྐོང་བྱས་ནས་སྒྲིག་ཆས་དང་བསྡམ་པ་ལ་སྤྱོད་སྲིད།

རིག་ལྡན་སྒྲིག་ཆས་ཀྱི་སྦྲེལ་མཐུད་དང་། ཚོད་འཛིན་དང་དོ་དམ་སྒྲིག་ཆས་ཀྱི་རྩོལ་ནུས་མངོན་འགྱུར་ཡོང་ཆེད། ང་ཚོས་ཁྱེད་ཀྱི་གཤམ་གསལ་ཆ་འཕྲིན་བསྡུ་རུབ་བྱ་དགོས་ཏེ། སྒྲིག་ཆས་ཀྱི་མིང་དང་། བཟོ་རྟགས། པར་གཞི། ཐོན་སྐྱེད་བཟོ་གྲྭ། སྒྲིག་ཆས་ཀྱི་གསལ་བྱེད་རྟགས། MAC གནས་ཡུལ། IP གནས་ཡུལ། སྒྲིག་ཆས་འཁོར་སྐྱོད་ཀྱི་རྣམ་པ། རང་གི་མཚན་ཉིད་ཀྱི་ངོ་བོ། སྒྲིག་འགོད་གཞི་གྲངས། ལས་སྒོའི་དོན་རྐྱེན་དང་སྒྲིག་ཆས་ཚོད་འཛིན། དེ་བཞིན་བེད་སྤྱོད་ཀྱི་ཟིན་ཐོ་བཅས་བསྡུ་རུབ་བྱེད་དགོས། ཆ་འཕྲིན་དེ་རིགས་བསྡུ་རུབ་བྱེད་པའི་དམིགས་ཡུལ་ནི་རིག་ལྡན་སྒྲིག་ཆས་དང་སྦྲེལ་ནས། སྒྲིག་ཆས་ལ་ཚོད་འཛིན་དང་དོ་དམ་བྱེད་པ་དང་། དེ་བཞིན་སྒྲིག་ཆས་ཀྱི་ངོ་བོ་དང་དཔྱད་གྲངས་སྒྲིག་འགོད་བྱེད་པ། སྒྲིག་ཆས་ཀྱི་ལས་ཀའི་རྣམ་པ་དང་ལོ་རྒྱུས་ཀྱི་ཟིན་ཐོར་ལྟ་ཞིབ་བྱེད་པ། སྒྲིག་ཆས་དང་ཞབས་ཞུའི་གཉེར་སྐྱོང་རྣམ་པའི་བསྡོམས་རྩིས་དང་། ཞིབ་བཤེར། ཞིབ་འཇུག་བཅས་བྱས་ནས་རིག་ལྡན་སྒྲིག་ཆས་ཀྱི་སྤུས་ཚད་དང་ཞབས་ཞུ་ལེགས་སུ་གཏོང་རྒྱུ་དེ་རེད།

ང་ཚོས་གཤམ་གྱི་རྣམ་པ་ལྟར་ཁྱེད་ཀྱི་མི་སྒེར་གྱི་ཆ་འཕྲིན་བཀོལ་སྤྱོད་བྱ་སྟེ། གོང་དུ་བརྗོད་པའི་ཆ་འཕྲིན་ལ་གསང་གྲངས་བཀོད་ནས་ཞབས་ཞུ་སྟེགས་བུར་བསྐུར་ཏེ་ཉར་ཚགས་བྱ་སྲིད་ལ། རིག་ལྡན་འཚོ་བའི་ཉེར་སྤྱོད་ཀྱིས་ཁྱེད་ཀྱི་དབང་བཅོལ་ལྟར་ཞབས་ཞུ་ཡོ་ཆས་ནས་གཞི་གྲངས་འཚོལ་བཤེར་བྱེད་པ་མ་ཟད། སྒྲིག་ཆས་ཀྱི་དྲ་ངོས་སུ་འཆར་བར་བྱེད།

གལ་ཏེ་ཁྱེད་ཀྱིས་རིགས་འདིའི་ཆ་འཕྲིན་མཁོ་སྤྲོད་མི་བྱེད་ཚེ། ཧྭ་ཝེའི་རིག་ལྡན་འཚོ་བའི་ཉེར་སྤྱོད་ཀྱི་སྒྲིག་ཆས་རྙེད་པ་དང་སྡོམ་པ། ཚོད་འཛིན་དང་དོ་དམ་གྱི་རྩོལ་ནུས་སྤྱོད་ཐབས་བྲལ།

གོང་བརྗོད་གཞི་གྲངས་བསྡུ་རུབ་བྱེད་པར་གཤམ་གྱི་སྒྲིག་ཆས་འདུས་ཏེ།

འོད་འགྱེད་རིགས་ཀྱི་སྒྲིག་ཆས། རིགས་སྣ་ཚོགས་ཀྱི་གསལ་སྒྲོན། ལྗོངས་རྣམ་གློག་ཞུ། ཀློག་འདོན་སྟེགས་བུའི་གློག་ཞུ། རིག་ལྡན་གློག་ཞུའི་སྒྲོག་བུ། དྲི་ཞིམ་གློག་ཞུ། རོལ་དབྱངས་གློག་ཞུ་སོགས་ཚུད་ཡོད།

ནུས་གྲོན་རིགས་ཀྱི་སྒྲིག་ཆས། རིགས་སྣ་ཆོགས་ཀྱི་བསྒར་གདན། བསྒར་པང་། རིག་ལྡན་བསད་སྤར། གློག་ཆས་ཚོད་འཛིན་དྲ་སྒོ། རྩོལ་ནུས་མང་ཅན་གྱི་བསད་སྤར་བསྡུ་ལེན་ཆས། གློག་ཚད་ལྟ་འཛིན་བསད་སྤར་སོགས་ཚུད་ཡོད།

གཙང་ཁྲུས་རིགས་ཀྱི་སྒྲིག་ཆས། རིགས་སྣ་ཚོགས་ཀྱི་རིག་ལྡན་སྒེའུ་ཡོལ་དང་རིག་ནུས་སྒེའུ་ཁུངས་འབྱེད་ཆས། རིག་ལྡན་གོས་གདང་། ཁྲུས་དྲོད་གློག་ཆུ་དྲོད་ཆས། རིག་ལྡན་ཤེལ། གློག་སྒུལ་དྲིལ་སྒོ། གོས་སྐམ་ཆས། གོས་འཁྲུད་ཆས། གློག་སྒུལ་སོ་འཁྲུད། རླུང་སྦུད། སྨྲ་བཞར་སོགས་ཚུད་ཡོད།

ཐབ་གློག་རིགས་ཀྱི་སྒྲིག་ཆས། རིགས་སྣ་ཚོགས་ཀྱི་སྲན་ཁུ་དཀྲུགས་ཆས་དང་གློག་བསྲེགས་སྒམ། སྣུམ་དུད་འདྲེན་ཆས། རླངས་བཙོས་སྒམ། སོབ་གོར་ཆས། གློག་གི་བ་མ། རླབས་ཕྲན་ཐབ་ཀ ཤུབས་གཏོར་ཆས། ལུས་གསོའི་རྫ་མ། རླངས་འགད་བ་མ། ཚོད་གཡོལ་འཕྲུལ་ཆས། ཆུ་གཙང་ཆས། དཀར་ཡོལ་འཁྲུད་ཆས། ཞིམ་རྗས་སྣོད། ཇ་ཕོར་སོགས་ཚུད་ཡོད།

གཙང་སྦྲའི་རིགས་ཀྱི་སྒྲིག་ཆས། རིགས་སྣ་ཚོགས་ཀྱི་གད་བདར་འཕྲུལ་མི། སྒེའུ་ཁུང་ཕྱི་བའི་འཕྲུལ་མི། རིག་ལྡན་རྡུལ་རྔུབ་ཆས། ལྷམ་སྒྲོམ་གསོ་སྐྱོང་ཆས། རིག་ལྡན་གད་སྙིགས་སྒམ། ཚ་དབུར་ཆས་སོགས་ཚུད།

བདེ་འཇགས་སྔོན་འགོག་རིགས་ཀྱི་སྒྲིག་ཆས། རིགས་སྣ་ཚོགས་ཀྱི་བརྒྱུད་ཚོར་ཡོ་ཆས་དང་། སྒོའི་དྲིལ་བུ། དྲ་སྒོ། ཉེན་རྟོག་འབོད་ཆས། རྒྱང་འཛིན། མྱུར་ཚབ་མཐེབ་གནོན་སོགས་ཚུད་ཡོད།

ཁོར་ཡུག་རིགས་ཀྱི་སྒྲིག་ཆས། རིགས་སྣ་ཚོགས་ཀྱི་སྤྱིར་བཏང་གི་དྲོད་སྙོམ། ལྟེ་བའི་དྲོད་སྙོམ། རླུང་འཕྲུལ་གསར་བ། མཁའ་དབུགས་སྤུས་འཇལ་ཆས། ཁོར་ཡུག་དཔྱད་གྲངས་འཇལ་ཆས། མཁའ་དབུགས་གཙང་བཟོ་ཆས། རིག་ལྡན་རླུང་གཡབ། བཞའ་སྣོན་ཆས། དྲོད་རླུང་མ་ལག་དྲོད་སྙོམས་ཀྱི་ལྷན་སྒྲིག་སོགས་ཚུད་ཡོད།

འཆར་ཡོལ་ཡོད་པའི་རིགས་ཀྱི་སྒྲིག་ཆས་ཏེ། དེའི་ཁོངས་སུ་རིགས་སོ་སོའི་ལག་ཁྱེར་ཁ་པར་དང་ངོས་ལེབ། རིག་ལྡན་འཆར་ངོས། འཆར་ཆས་སོགས་འདུས་ཡོད།

གྱོན་པ་དང་འདོགས་པའི་རིགས་ཀྱི་སྒྲིག་ཆས་ཏེ། དེའི་ཁོངས་སུ་རིགས་སོ་སོའི་ལག་འདོགས་ཆུ་ཚོད་དང་ལག་གདུབ། རྣ་ཉན་སོགས་འདུས་ཡོད།

སྒྲིག་ཆས་གཞན་དག གློག་སྒུལ་རྩེད་ཆས་དང་། གློག་སྒུལ་དོ་མཉམ་འཕྲུལ་འཁོར། རིག་ལྡན་ཤུད་ལེབ། གློག་སྒུལ་ལྕགས་རྟ་སོགས་ཚུད་ཡོད།

གོང་དུ་བརྗོད་པའི་སྒྲིག་ཆས་ཁག་ཅིག་གིས་ཉེར་སྤྱོད་ཁྲོམ་རའི་དྲ་ཐོག་ཏུ་བཞག་པའི་པར་གཞི་ཁོ་ནར་རྒྱབ་སྐྱོར་བྱེད། ཁྱེད་ཀྱིས་གལ་ཏེ་སྒྲིག་ཆས་འདི་དག་གི་རྨང་གཞིའི་དོ་དམ་ཞབས་ཞུ་ཉམས་སུ་མྱོང་འདོད་ཚེ། ཉེར་སྤྱོད་ཁྲོམ་རར་སོང་ནས་ཉེར་སྤྱོད་འདི་གསར་སྒྱུར་བྱས་རྗེས་བེད་སྤྱོད་བྱ་ཆོག

1.3 རིག་ལྡན་སྒྲིག་ཆས་ཀྱི་སྤྲིན་ཞབས་ཞུ།

རིག་ལྡན་འཚོ་བའི་ཉེར་སྤྱོད་ཀྱི་ཁྲོད་ནས་ཁྱེད་ཀྱིས་སྦྲེལ་བའི་གཤམ་གྱི་རིག་ལྡན་སྒྲིག་ཆས་བེད་སྤྱོད་བྱེད་པ་མ་ཟད། ལས་སྒོའི་རྩོལ་ནུས་ཀྱི་ཞབས་ཞུ་རིགས་མང་པོ་མཁོ་འདོན་བྱ་ཆེད། ང་ཚོས་ཁྱེད་ཀྱི་གཤམ་གྱི་ཆ་འཕྲིན་བསྡུ་རུབ་བྱ་དགོས།

ལམ་སྟོན་རིགས་ཀྱི་སྒྲིག་ཆས། རིགས་སྣ་ཚོགས་ཀྱི་ WLAN ལམ་སྟོན་ཆས་དང་། WLAN ཆེར་བསྐྱེད་ཆས། འགྲུལ་མཐུན་ WLAN དང་གློག་ཤུགས་ཞི་ལ་སོགས་ཚུད་ཡོད། གཤམ་གསལ་གྱི་ཆ་འཕྲིན་བསྡུ་རུབ་བྱེད་དགོས་ཏེ། དོ་དམ་པའི་སྤྱོད་མཁན་གྱི་མིང་དང་གསང་གྲངས། ལམ་སྟོན་ཆས་དང་སྦྲེལ་བའི་སྒྲིག་ཆས་ཀྱི་ MAC ས་གནས་དང་ IP གནས་ཡུལ། ལམ་སྟོན་ཆས་ཀྱི་ IP གནས་ཡུལ། བཀོད་སྒྲིག་ཆ་འཕྲིན་བཅས་ཚུད་ཡོད། དེའི་ཁྲོད་དུ་གསང་གྲངས་ནི་མི་སྒེར་གྱི་ཚོར་སྣང་སྐྱེན་པོའི་ཆ་འཕྲིན་དུ་གཏོགས་ཤིང་སྒྲིག་ཆས་ཐོག་ཁོ་ནར་ཉར་ཚགས་བྱེད། རིགས་འདིའི་ཆ་འཕྲིན་བསྡུ་རུབ་བྱེད་པའི་དམིགས་ཡུལ་ནི་ལམ་སྟོན་རིགས་ཀྱི་སྒྲིག་ཆས་ར་སྤྲོད་ཐོ་འཇུག་བྱེད་པ་དང་། ལམ་སྟོན་རིགས་ཀྱི་སྒྲིག་ཆས་ཀྱི་ལས་ཀའི་རྣམ་པར་ལྟ་ཞིབ། སྙན་ཞུའི་རེའུ་མིག་དང་ལོ་རྒྱུས་ཟིན་ཐོ་བསྡོམས་རྩིས། ལམ་སྟོན་རིགས་ཀྱི་སྒྲིག་ཆས་དང་དེ་བཞིན་སྤྱོད་མཁན་ལ་མཁོ་འདོན་བྱས་པའི་མགྱོགས་མྱུར་བཀོད་སྒྲིག་རྩོལ་ནུས་མངོན་འགྱུར་བྱེད་པར་བཀོད་སྒྲིག་དང་དོ་དམ་བྱེད་པ་བཅས་ཡིན།

དྲ་བའི་འགག་སྒོ་རིགས་ཀྱི་སྒྲིག་ཆས་ལ། ཧྭ་ཝེའི་ལམ་སྟོན་ཆས་དང་། སྡོད་ཁང་ཡོངས་ཀྱི་རིག་ལྡན་འཕྲུལ་འཁོར། PLC དྲ་བའི་འགག་སྒོ། སོ་སྔོན་དྲ་བའི་འགག་སྒོ། ZigBee དྲ་བའི་འགག་སྒོ་སོགས་ཚུད་ཡོད་པས་དྲ་བའི་འགག་སྒོ་དང་དེ་བཞིན་དྲ་བའི་འགག་སྒོ་སྒྲིག་ཆས་བུའི་གཞི་རྩའི་ཆ་འཕྲིན་བསྡུ་རུབ་བྱེད་དགོས། ཆ་འཕྲིན་བསྡུ་རུབ་བྱེད་པའི་དམིགས་ཡུལ་ནི་ཁྱེད་རང་གིས་དྲ་བའི་འགག་སྒོ་རིགས་ཀྱི་སྒྲིག་ཆས་ལ་ལྟ་ཞིབ་བྱས་ཏེ་དེའི་སྒྲིག་ཆས་བུའི་ལས་ཀའི་རྣམ་པ་དང་། དྲ་བའི་འགག་སྒོ་དང་དེའི་བུ་སྒྲིག་ཆས་ལ་དོ་དམ་དང་ཚོད་འཛིན་བྱ་རྒྱུ། དེ་བཞིན་དྲ་འབྲེལ་འགག་སྒོ་དང་དེའི་སྒྲིག་ཆས་བུ་ལ་མཉེན་ཆས་རིམ་སྤོར་ཞབས་ཞུ་མཁོ་འདོན་བྱ་རྒྱུ་བཅས་རེད།

བརྙན་མིག་དང་རིག་ལྡན་སྒོ་ཟྭ། ནུས་མང་དྲ་སྒོའི་རིགས་ཀྱི་སྒྲིག་ཆས། གཤམ་གསལ་གྱི་ཆ་འཕྲིན་བསྡུ་རུབ་བྱེད་དགོས་པ་སྟེ། སྒྲིག་ཆས་ཀྱིས་ཟིན་འགོད་བྱས་པའི་བརྙན་ཟློས་དང་པར་རིས། སྐད་སྒྲ། རང་བཀོད་མགོ་པར། གཅེས་མིང་། དྲིལ་བརྡ། འཕྲིན་འཇོག་ཡིག་ཆའི་གཞི་གྲངས། སྒོ་ཟྭ་ཕྱེ་བའི་ཟིན་ཐོ། འདིའི་རིགས་ཀྱི་ཆ་འཕྲིན་བསྡུ་རུབ་བྱེད་པའི་དམིགས་ཡུལ་ནི་སྒྲིག་ཆས་ཀྱི་ལས་ཀའི་རྣམ་པ་དང་། རྟོག་ཞིབ་ཆ་འཕྲིན་དང་ལོ་རྒྱུས་ཀྱི་སྡོམ་རྩིས་གཞི་གྲངས་ལ་བལྟ་ཆེད་ཡིན། སྒོ་ཟྭའི་སྒྲིག་ཆས་ཀྱི་ཟྭ་འབྱེད་གསང་གྲངས་ཉེར་སྤྱོད་དམ་ཧྭ་ཝེའི་ཞབས་ཞུའི་སྟེགས་བུར་ཉར་ཚགས་བྱེད་མི་སྲིད། ཧྭ་ཝེ་ཡིས་ཁྱེད་ཀྱི་ ཟྭ་འབྱེད་གསང་གྲངས་ཐོབ་ཐབས་དང་འདོར་བ་བཅས་བྱེད་མི་སྲིད་ལ་བྱེད་ཀྱང་མི་ཐུབ། སྐད་འཇོག་རྩོལ་ནུས་ལྡན་པའི་དྲ་རྒྱའི་དྲ་འགག་གིས་ཁྱེད་ཀྱི་སྐད་འཇོག་བསྡུ་རུབ་བྱེད་པ་མ་ཟད་དུས་བཅད་ཀྱིས་ཁྱེད་ལ་ཁྱེད་ཀྱིས་སྒྲིག་འགོད་བྱས་པའི་ལེགས་འགྲུབ་བྱ་རྒྱུར་དོ་སྣང་བྱེད་པར་དྲན་སྐུལ་བྱེད། ཁྱེད་ཀྱི་སྐད་འཇོག་གཞི་གྲངས་དེ་གསང་སྡོམ་བྱས་ནས་དྲ་འགག་རང་གནས་སུ་ཉར་ཚགས་བྱེད།

བརྙན་སྒྲའི་རིགས་ཀྱི་སྒྲིག་ཆས་ཏེ། དེའི་ནང་རིགས་སྣ་ཚོགས་ཀྱི་སྒྲ་སྒམ་དང་སྒྲ་སྐྱེད། གྲིབ་བརྙན་སྟོན་ཆས། བརྙན་འཕྲིན། སྟེང་འཇོག་སྒམ་སོགས་ཚུད་ཡོད། གཤམ་གསལ་གྱི་ཆ་འཕྲིན་དག་བསྡུ་རུབ་བྱ་དགོས་ཏེ། སྒྲིག་ཆས་ཀྱིས་ཟིན་འགོད་བྱས་པའི་བརྙན་ཟློས། པར་རིས། བཏང་པའི་ཟིན་ཐོ་ཚུད་ཡོད། རིགས་འདིའི་ཆ་འཕྲིན་བསྡུ་རུབ་བྱེད་པའི་དམིགས་ཡུལ་ནི་བརྙན་སྒྲའི་རིགས་ཀྱི་སྒྲིག་ཆས་ཀྱི་ལས་ཀའི་རྣམ་པ་དང་ལོ་རྒྱུས་ཟིན་ཐོ་དེ་བཞིན་སྤྱོད་མཁན་ལ་གཞི་གྲངས་གྲབས་ཉར་གྱི་རྩོལ་ནུས་མངོན་འགྱུར་བྱེད་རྒྱུ་མཁོ་འདོན་བྱ་ཆེད་ཡིན།

འགུལ་སྐྱོད་བདེ་ཐང་རིགས་ཀྱི་སྒྲིག་ཆས། དེའི་ནང་དུ་ལུས་པོའི་ལྗིད་ཚད་ཀྱི་རྒྱ་མ་དང་། ལུས་ཚིལ་གྱི་རྒྱ་མ། གཉིད་པའི་བཤེར་འཇལ་ཡོ་བྱད། འགུལ་སྐྱོད་ལག་གདུབ་དང་ལག་འདོགས་ཆུ་ཚོད་སོགས་ཚུད་ཡོད་པས་གཤམ་གྱི་ཆ་འཕྲིན་དག་བསྡུ་ལེན་བྱེད་དགོས་པ་སྟེ། རང་བཀོད་མགོ་བརྙན་དང་གཅེས་མིང་། སྒྲིག་འགོད་བྱས་པའི་གཟུགས་ཚད། ཕོ་མོ། སྐྱེས་པའི་ལོ་ཟླ། སྒྲིག་ཆས་ཀྱིས་ཚད་ལེན་བྱས་པའི་གཟུགས་པོའི་རིང་ཚད་དང་། ལྗིད་ཚད། སྐྱེ་དངོས་འགོག་འགོད།(ལུས་ཚིལ) སྒྲིག་ཆས་ཚད་ལེན་གྱི་དབུགས་འབྱིན་རྔུབ་བྱེད་ཚད། སྙིང་འཕར་ལྡིང་ཚད། གཉིད་ཁུག་པའི་གནས་ཚུལ། སྤྱོད་མཁན་གྱི་གནས་ཡུལ། འགུལ་སྐྱོད་རྗེས་ཤུལ་བཅས་ཡིན། དེའི་ཁྲོད་དུ་མི་སྒེར་བདེ་ཐང་གཞི་གྲངས་དང་འགུལ་སྐྱོད་རྗེས་ཤུལ་ནི་མི་སྒེར་གྱི་ཚོར་སྣང་སྐྱེན་པོའི་ཆ་འཕྲིན་དུ་གཏོགས། རིགས་འདིའི་ཆ་འཕྲིན་བསྡུ་རུབ་བྱེད་པའི་དམིགས་ཡུལ་ནི་ལུས་རྩལ་བདེ་ཐང་རིགས་ཀྱི་སྒྲིག་ཆས་ཀྱི་ལས་ཀའི་རྣམ་པ་དང་ཚད་འཇལ་གཞི་གྲངས། ལོ་རྒྱུས་བསྡོམས་རྩིས་གཞི་གྲངས་ལ་ལྟ་ཞིབ་བྱ་ཆེད་ཡིན།

ཕྱི་བགྲོད་འཁོར་ཐོགས་རིགས་ཀྱི་སྒྲིག་ཆས། རིགས་སྣ་ཚོགས་ཀྱི་རིག་ནུས་གཞུག་མཐོང་མེ་ལོང་དང་འཁོར་བསྐྱོད་ཟིན་འགོད་ཆས། འཁོར་ཐོགས་གློག་ཆས་སོགས་ཚུད་ཡོད། གཤམ་གསལ་གྱི་ཆ་འཕྲིན་དག་བསྡུ་རུབ་བྱ་དགོས་ཏེ། གནས་ཡུལ་ཆ་འཕྲིན། འཁོར་བསྐྱོད་ཟིན་ཐོ་དང་རྗེས་ཤུལ། སྒྲིག་ཆས་ཀྱིས་ཟིན་འགོད་བྱས་པའི་བརྙན་ཟློས། པར་རིས། སྐད་སྒྲ། སྒྲིག་འགོད་བྱས་པའི་རླངས་འཁོར་གྱི་ཆ་འཕྲིན་བཅས་ཚུད་ཡོད། འདིའི་རིགས་ཀྱི་ཆ་འཕྲིན་བསྡུ་རུབ་བྱེད་པའི་དམིགས་ཡུལ་ནི་ཕྱི་བགྲོད་འཁོར་ཐོགས་རིགས་ཀྱི་སྒྲིག་ཆས་ཀྱི་ལས་ཀའི་རྣམ་པ་དང་བསྡོམས་རྩིས་སྙན་ཞུའི་རེའུ་མིག ལོ་རྒྱུས་ཟིན་ཐོ་ལ་ལྟཧུལི་ཞིབ་བྱེད་ཆེད་ཡིན།

མི་སྒེར་གྱི་སྲུང་ལས་རིགས་ཀྱི་སྒྲིག་ཆས། རིགས་སྣ་ཚོགས་ཀྱི་ལུས་སྐྱི་སྲུང་ལས་ཆུ་གསབ་ཆས། མིག་མཐའ་འཕུར་མཉེད་ཆས། མིག་ཁེབས། འཕུར་མཉེད་གཟུགས་མཛེས་ཆས་སོགས་ཚུད་ཡོད། གཤམ་གསལ་གྱི་ཆ་འཕྲིན་བསྡུ་རུབ་བྱེད་དགོས་ཏེ། ལུས་སྐྱི་ཆུ་དབེན་གནས་ཚུལ་ཚད་འཇལ་གཞི་གྲངས། ལུས་སྐྱིའི་ཚད་འཇལ་གཞི་གྲངས་བཅས་ཚུད་ཡོད། དེའི་ཁྲོད་དུ་ལུས་སྐྱིའི་བདེ་ཐང་གཞི་གྲངས་ནི་མི་སྒེར་གྱི་ཚོར་སྣང་སྐྱེན་པོའི་ཆ་འཕྲིན་དུ་གཏོགས། རིགས་འདིའི་ཆ་འཕྲིན་བསྡུ་རུབ་བྱེད་པའི་དམིགས་ཡུལ་ནི་མི་སྒེར་གྱི་སྲུང་ལས་རིགས་ཀྱི་སྒྲིག་ཆས་ཀྱི་ལས་ཀའི་རྣམ་པ་དང་ཚད་འཇལ་གཞི་གྲངས། བསྡོམས་རྩིས་སྙན་ཞུའི་རེའུ་མིག་དང་ལོ་རྒྱུས་ཟིན་ཐོ་ལ་ལྟ་ཞིབ་བྱེད་ཆེད་ཡིན།

འཆར་ཤེལ་རིགས་ཀྱི་སྒྲིག་ཆས་ལ་མཚོན་ན། དེའི་ནང་འཆར་ཆས་སྣ་ཚོགས་ཚུད་ཡོད། དེར་གཤམ་གྱི་ཆ་འཕྲིན་བསྡུ་དགོས་ཏེ། འཆར་ཆས་ཀྱི་མིག་སྲུང་སྒྲིག་བཀོད་ཀྱི་ཆ་འཕྲིན་དང་། སྒྲིག་ཆས་ཀྱི་གཅེས་མིང་གི་ཆ་འཕྲིན། སྐད་སྦུག་གི་བསད་སྤར་སྒྲིག་བཀོད་ཀྱི་ཆ་འཕྲིན། སྒྲིག་ཆས་ཀྱི་བརྙན་ཡོལ་འཕྲོ་བའི་མིང་ཐོ་དཀར་པོའི་ཆ་འཕྲིན་བཅས་བསྡུ་དགོས།

ཉེར་སྤྱོད་འདིས་བསྡུ་རུབ་བྱས་པའི་བདེ་ཐང་གཞི་གྲངས་ཀྱི་ནང་དུ་ཚོར་སྣང་སྐྱེན་པོའི་མི་སྒེར་གྱི་ཆ་འཕྲིན་ཚུད་ཡོད། ཁྱེད་ཀྱིས་ཉེར་སྤྱོད་ནང་དུ་ཁ་གསལ་པོར་དབང་བཅོལ་རྗེས་གཞི་ནས་ཞབས་ཞུའི་སྟེགས་བུའི་ཐོག་ཏུ་ཡར་བསྐུར་སྲིད། སྒྲིག་ཆས་ཁ་ཤས་ལ་སྒྲིག་ཆས་བཟོ་གྲྭས་སྒྲིག་ཆས་སྤྲིན་ཞབས་ཞུ་མཁོ་འདོན་བྱེད། ཕྱོགས་གསུམ་པའི་བཟོ་གྲྭས་རང་བདག་གིས་སྒྲིག་ཆས་ལ་མཁོ་བའི་གཞི་གྲངས་བསྡུ་རུབ་བེད་སྤྱོད་བྱེད། ཧྭ་ཝེ་སྒྲིག་ཆས་ཁག་འདིའི་ཞབས་ཞུའི་གཞི་གྲངས་ཀྱི་བསྡུ་རུབ་དང་ཐག་གཅོད་དུ་མི་ཞུགས། ཕྱོགས་གསུམ་པའི་བཟོ་གྲྭས་རང་སྒེར་གྱི་གསང་བའི་སྲིད་ཇུས་གཞིར་བཟུང་ནས་གཞི་གྲངས་བསྡུ་རུབ་བྱ་སྤྱོད་ལ་བདག་དམ་བྱེད། ཐོག་དང་པོར་སྒྲིག་ཆས་ལྟ་སྤྱོད་བྱེད་སྐབས་ཞིབ་ཕྲའི་ངང་ནས་ཀློག་པ་དང་དབང་སྤྲོད་མོས་མཐུན་བྱ་རོགས།

ཁྱེད་ཀྱིས་རིག་ལྡན་གྱི་ཁྱིམ་མཁོ་ཡི་སྒྲིག་ཆས་ཀྱི་སྒྲིག་འགོད། དེ་ནས་སྒྲིག་ཆས་བསུབ་པའམ་སྒྲིག་ཆས་དང་བསྡམ་པ་ཤིག་པའི་མཚམས་ངོས་སུ་ལྟ་སྤྱོད་བྱེད་ནས་ཁྱེད་ཀྱིས་བསྡམས་ཟིན་པའི་རིག་ནུས་ཀྱི་ཁྱིམ་མཁོ་ཡི་སྒྲིག་ཆས་སུབ་ནས། གཞི་གྲངས་བསྡུ་རུབ་བྱེད་པ་མཚམས་འཇོག་ཆོག

གལ་ཏེ་ཁྱེད་ཀྱིས་ཆ་འཕྲིན་འདི་རིགས་མཁོ་སྤྲོད་མི་བྱེད་ཚེ། རིག་ལྡན་འཚོ་བའི་ཉེར་སྤྱོད་དུ་རིག་ལྡན་སྒྲིག་ཆས་ཀྱིས་མཁོ་འདོན་བྱས་པའི་ཞབས་ཞུ་བེད་སྤྱོད་གཏོང་མི་ཐུབ།

གོང་དུ་བརྗོད་པའི་སྒྲིག་ཆས་(དཔེར་ན། ལམ་སྟོན་ཆས་དང་བརྙན་མིག་སྒྲིག་ཆས་སོགས།)ཁག་ཅིག་གིས་ཉེར་སྤྱོད་ཁྲོམ་རར་སྤེལ་བའི་པར་གཞི་ཁོ་ནར་རྒྱབ་སྐྱོར་བྱེད། ཁྱེད་ཀྱིས་གལ་ཏེ་ཉེར་སྤྱོད་འདིའི་ཁྲོད་ནས་སྒྲིག་ཆས་འདི་དག་ཉམས་སུ་མྱོང་འདོད་ཚེ། ཉེར་སྤྱོད་ཁྲོམ་ར་ནས་ཉེར་སྤྱོད་འདི་གསར་སྒྱུར་བྱས་རྗེས་བེད་སྤྱོད་བྱ་ཆོག

1.4 རིག་ལྡན་སྐད་གདངས་སྐྱེ་ཁམས་སྒྲིག་ཆས།

ཧྭ་ཝེའི་རིག་ལྡན་སྐད་གདངས་སྐྱེ་ཁམས་སྒྲིག་ཆས་(ཡང་ན་ཞབས་ཞུ།)ནི་ཧྭ་ཝེའི་མཉེན་ཆས་ལག་རྩལ་ཚད་ཡོད་ཀུང་སིས་གཉེར་སྐྱོང་བྱེད་ཅིང་། ཁྱེད་ལ་རིག་ལྡན་སྒྲིག་ཆས་ཀྱིས་ཚོད་འཛིན་དང་དོ་དམ་བྱེད་པའི་ཞབས་ཞུའི་ཐོན་རྫས་(ཡང་ན་ཞབས་ཞུ་) མཁོ་འདོན་བྱེད། རིག་ལྡན་འཚོ་བའི་ཉེར་སྤྱོད་ནང་རིག་ལྡན་སྐད་གདངས་སྐྱེ་ཁམས་སྒྲིག་ཆས་(དཔེར་ན། རིག་ལྡན་སྐད་གདངས་ཐིར་ལྡན་ཆུ་ཚོད། བྱིས་པའི་རིག་ལྡན་སྐད་གདངས་གཏམ་རྒྱུད་འཕྲུལ་འཁོར་དང་རིག་ལྡན་སྐད་གདངས་འཁོར་སྐྱོད་ཐོ་འགོད་ཡོ་བྱད་སོགས།)ཀྱི་ལས་སྒོའི་རྩོལ་ནུས་དང་ཞབས་ཞུ་སྣ་ཚོགས་མཁོ་འདོན་བྱ་ཆེད། ང་ཚོས་གཤམ་གསལ་གྱི་ཆ་འཕྲིན་བསྡུ་རུབ་བྱེད་དགོས་པ་སྟེ།

སྐད་གདངས་བཀའ་ཚིག ཆ་འཕྲིན་དེ་རིགས་བསྡུ་རུབ་བྱེད་པའི་དམིགས་ཡུལ་ནི་རྨང་གཞིའི་སྐད་གདངས་སྤེལ་རེས་ཀྱི་ཞབས་ཞུར་སྤྱོད་རྒྱུ་ཡིན་པ་དང་། སྐད་གདངས་བཀའ་ཚིག་བརྗེ་སྒྱུར་བྱས་རྗེས་ཀྱི་ཡིག་དེབ་གཞི་གྲངས་དེ་བདེ་འཇགས་གསང་སྡོམ་བྱས་ནས་ཞབས་ཞུ་ཆས་ནང་ཉར་ཚགས་བྱ་རྒྱུ་རེད།

ཕལ་ཆེར་གནས་ཡུལ་གྱི་ཆ་འཕྲིན། ཆ་འཕྲིན་དེ་རིགས་བསྡུ་རུབ་བྱེད་པའི་དམིགས་ཡུལ་ནི་གནམ་གཤིས་འདྲི་རྩད་རྩོལ་ནུས་ལ་བེད་སྤྱོད་བྱེད་རྒྱུ་ཡིན།

གཏོང་བའི་ཟིན་ཐོ། ཆ་འཕྲིན་དེ་རིགས་བསྡུ་རུབ་བྱེད་པའི་དམིགས་ཡུལ་ནི་སྒྲིག་ཆས་ཀྱི་ལས་ཀའི་རྣམ་པ་དང་། ལོ་རྒྱུས་ཟིན་ཐོ་ལ་བལྟ་ཆེད་ཡིན།

ང་ཚོས་གཤམ་གྱི་ཐབས་ལམ་བརྒྱུད་ནས་ཁྱེད་ཀྱི་མི་སྒེར་གྱི་ཆ་འཕྲིན་སྤྱོད་དེ། གོང་སྨྲས་ཀྱི་ཆ་འཕྲིན་དེ་གསང་སྡོམ་བརྒྱུད་གཏོང་དང་འབྲེལ་ཞབས་ཞུ་ཆས་སུ་ཉར་ཚགས་བྱེད་། རིག་ལྡན་འཚོ་བའི་ཉེར་སྤྱོད་ཀྱིས་ཁྱེད་ཀྱི་དབང་བཅོལ་ལྟར་ཞབས་ཞུ་ཡོ་ཆས་ཐོག་གཞི་གྲངས་འཚོལ་བཤེར་བྱེད་པ་མ་ཟད། སྒྲིག་ཆས་ཀྱི་དྲ་ངོས་སུ་འཆར་བར་བྱེད།

གལ་ཏེ་ཁྱེད་ཀྱིས་རིགས་འདིའི་ཆ་འཕྲིན་མཁོ་སྤྲོད་མི་བྱེད་ཚེ། རིག་ལྡན་སྐད་གདངས་སྐྱེ་ཁམས་སྒྲིག་ཆས་ཀྱིས་མཁོ་འདོན་བྱས་པའི་ལས་སྒོའི་རྩོལ་ནུས་དང་ཞབས་ཞུ་བཀོལ་སྤྱོད་བྱེད་ཐབས་བྲལ།

1.5 དྲ་ལམ་གནད་དོན་ཕྱིར་སློག

རིག་ལྡན་འཚོ་བའི་ཞབས་ཞུའི་གནད་དོན་དྲ་ལམ་ནས་ཕྱིར་སློག་བྱེད་པ་མངོན་འགྱུར་ཡོང་ཆེད་དུ། ང་ཚོས་ཁྱེད་ཀྱི་གཤམ་གསལ་ཆ་འཕྲིན་བསྡུ་རུབ་བྱེད་དགོས་ཏེ། ཉེར་སྤྱོད་དང་སྒྲིག་ཆས་ཀྱི་ཉིན་ཐོའི་ཆ་འཕྲིན་དང་ཁྱེད་ཀྱིས་ཕྱིར་སློག་བྱས་པའི་འབྲེལ་གཏུག་བྱ་ཐབས་དང་གནད་དོན་ཞིབ་བརྗོད། གནད་དོན་གྱི་སྣང་ཚུལ་པར་རིས་དང་བརྙན་ཟློས། དེའི་ནང་ནས། ཉེར་སྤྱོད་དང་སྒྲིག་ཆས་ཀྱི་ཉིན་ཐོའི་ཆ་འཕྲིན་ནང་དུ་སྒྲིག་ཆས་ཀྱི་རྣམ་པ་དང་། ཚོར་འདྲེན་ཆས་ཀྱི་སྒྲིག་ཆས་ཀྱིས་ཚོར་ལེན་བྱས་པའི་ཆ་འཕྲིན། སྒྲིག་ཆས་བཀོལ་སྤྱོད་ཀྱི་ཟིན་ཐོ། སྒྲིག་ཆས་ཀྱི་གསལ་བྱེད་རྟགས་སོགས་ཚུད་ཡོད། འདིའི་རིགས་ཀྱི་ཆ་འཕྲིན་བསྡུ་རུབ་བྱེད་པའི་དམིགས་ཡུལ་ནི་གནད་དོན་གྱི་རྒྱུ་རྐྱེན་ལ་དབྱེ་ཞིབ་དང་གནས་ངེས་བྱེད་ཆེད་ཡིན། ཁྱེད་ཀྱི་འབྲེལ་གཏུག་བྱ་ཐབས་སྡུད་པའི་དམིགས་ཡུལ་ནི་རྒྱུན་མཐུད་ཀྱི་འཚམས་འདྲི་ཞུ་ལན་དང་གནད་དོན་ཡོངས་སུ་ཐག་གཅོད་ཡོད་མེད་ལ་ཤེས་རྟོགས། ཡང་ན་ཁྱེད་ལ་འབྲེལ་བ་བྱེད་ཆེད་དུ་ཡིན། ཁྱེད་ཀྱིས་དགོས་ངེས་ཀྱི་ཆ་འཕྲིན་གཞན་དག་ཁ་གསབ་གནང་བར་ཞུ།

ང་ཚོས་གཤམ་གསལ་གྱི་བྱ་ཐབས་གཞིགས་ནས་ཁྱེད་ཀྱི་མི་སྒེར་གྱི་ཆ་འཕྲིན་བེད་སྤྱད་སྲིད་དེ། གནད་དོན་ཚུར་ལེན་གྱི་གནས་ཐིག་གཏན་ཁེལ་དང་ཐག་གཅོད་ཁོ་ནར་བེད་སྤྱོད་དེ། མི་སྒེར་གྱི་ཆ་འཕྲིན་གྱི་གསལ་སྟོན་དུ་བེད་མི་སྤྱོད། འདིའི་རིགས་ཀྱི་ཆ་འཕྲིན་ཚོང་དོན་བརྡ་ཁྱབ་འོས་སྦྱོར་བྱ་བར་བེད་མི་སྤྱོད།

གལ་ཏེ་ཁྱེད་ཀྱིས་འདིའི་རིགས་ཀྱི་ཆ་འཕྲིན་མཁོ་འདོན་མི་བྱེད་ཚེ། ཁྱེད་ཀྱིས་ཕྱིར་སློག་བྱེད་པའི་གནད་དོན་ལ་གོ་ཆོད་པའི་གནས་ངེས་དང་ཐག་གཅོད་བྱེད་ཐབས་བྲལ་སྲིད།

1.6 ཚོང་དོན་རིག་ནུས།

རིག་ལྡན་འཚོ་བའི་ཞབས་ཞུའི་སྤུས་ཀ་དཔྱད་དཔོག་དང་སྤྱོད་མཁན་གྱི་ཉམས་ལེན་ཇེ་ལེགས་གཏོང་ཆེད། ང་ཚོས་ཁྱེད་ཀྱི་གཤམ་གསལ་ཆ་འཕྲིན་བསྡུ་རུབ་བྱེད་དགོས། ཉེར་སྤྱོད་ཀྱི་མིང་། པར་གཞི། ཉེར་སྤྱོད་མཚམས་ངོས་ལྟ་སྤྱོད་བྱེད་པའི་དུས་ཡུན་སོགས་ཀྱི་ཉེར་སྤྱོད་ཆ་འཕྲིན། ལག་ཁྱེར་ཁ་པར་གྱི་བཟོ་རྟགས། པར་གཞི་སོགས་ལག་ཁྱེར་ཁ་པར་གྱི་ཆ་འཕྲིན། གནས་སའི་གྲོང་ཁྱེར། ཧྭ་ཝེའི་ཐོ་ཨང་། སྒྲིག་ཆས་ཀྱི་གསལ་བྱེད་རྟགས། སྒྲིག་ཆས་རེའུ་མིག མིང་། རིགས་སྣ་སོགས་ཀྱི་སྒྲིག་ཆས་ཆ་འཕྲིན། ཆ་འཕྲིན་འདིའི་རིགས་བསྡུ་རུབ་བྱེད་པའི་དམིགས་ཡུལ་ནི་ཧྭ་ཝེའི་ཐོ་ཨང་ཞབས་ཞུའི་སྟེགས་བུར་ཐོ་འཇུག་བྱས་ནས་སྤྱོད་མཁན་ཐོབ་ཐང་ར་སྤྲོད་པ་དང་། རིག་ལྡན་འཚོ་བའི་ཉེར་སྤྱོད་ཞབས་ཞུའི་སྟེགས་བུར་ལྟ་སྤྱོད་བྱེད་པའི་དབང་ཚད་ཐོབ་ཆེད་ཡིན།

ང་ཚོས་གཤམ་གསལ་བྱེད་ཐབས་ལྟར་ཁྱེད་ཀྱི་མི་སྒེར་གྱི་ཆ་འཕྲིན་བེད་སྤྱོད་བྱེད་སྲིད་དེ། སྒྲིག་ཆས་ཀྱི་གསལ་བྱེད་རྟགས་དང་སྤྱོད་མཁན་གསལ་སྟོན་རྟགས་སོགས་ཀྱི་གཞི་གྲངས་མིང་མི་འགོད་པའི་ཐག་གཅོད་བརྒྱུད་རྗེས་གསང་སྡོམ་གྱིས་ཧྭ་ཝེའི་ཞབས་ཞུའི་སྟེགས་བུར་བརྒྱུད་སྐུར་བྱས་ནས་གཞི་གྲངས་བསྡོམས་རྩིས་བྱས་ཏེ། གཞི་གྲངས་བསྡོམས་རྩིས་ཀྱི་སྙན་ཞུའི་རེའུ་མིག་གྲུབ། རིག་ལྡན་འཚོ་བའི་ཞབས་ཞུའི་སྤུས་ཀ་དཔྱད་དཔོག་དང་སྤྱོད་མཁན་ཉམས་ལེན་ཇེ་ལེགས་གཏོང་ཆེད་ཡིན།

གལ་ཏེ་ཁྱེད་ཀྱིས་རིགས་འདིའི་ཆ་འཕྲིན་མཁོ་འདོན་མི་བྱེད་ཚེ། དུས་ལྟར་རིག་ལྡན་འཚོ་བའི་ཞབས་ཞུའི་སྤུས་ཀ་དཔྱད་དཔོག་དང་། རིག་ལྡན་འཚོ་བའི་ཞབས་ཞུའི་སྤྱོད་མཁན་ཉམས་ལེན་ཇེ་ལེགས་གཏོང་ཐབས་བྲལ།

1.7 རིག་ལྡན་སྒྲིག་ཆས་དང་ཉེར་སྤྱོད་རིམ་སྤོར།

ཉེར་སྤྱོད་པར་གཞིའི་རིམ་སྤོར་དང་། རིག་ལྡན་སྒྲིག་ཆས་ཀྱི་སྲ་ཆས་རིམ་སྤོར་དང་ལས་སྒོའི་འཁོར་སྐྱོད་དབྱེ་ཞིབ་བྱ་ཆེད། ང་ཚོས་ཁྱེད་ཀྱི་གཤམ་གསལ་ཆ་འཕྲིན་འཚོལ་བསྡུ་བྱེད་དགོས་པ་སྟེ། ཁྱེད་ཀྱིས་བསྡམས་པའི་སྒྲིག་ཆས་ཀྱི་གསལ་བྱེད་རྟགས་དང་། སྒྲིག་ཆས་ཀྱི་རིགས། ལག་ཁྱེར་ཁ་པར་གྱི་བཟོ་རྟགས། ཉེར་སྤྱོད་ཀྱི་ངོ་རྟགས། པར་གཞིའི་ཆ་འཕྲིན་སོགས་ཀྱི་ཆ་འཕྲིན་དང་འབྲེལ་ནས་པར་གཞི་གསར་པ་ཞིབ་དཔྱད་དང་ཕབ་ལེན་བྱ་རྒྱུར་སྤྱོད་ཀྱི་ཡོད།

གལ་ཏེ་ཁྱེད་ཀྱིས་རིགས་འདིའི་ཆ་འཕྲིན་མཁོ་སྤྲོད་མི་བྱེད་ཚེ། ཉེར་སྤྱོད་ཀྱི་པར་གཞི་དང་སྒྲིག་ཆས་ཀྱི་མཁྲེག་ཆས་ཀྱི་པར་གཞི་གསར་པ་རིམ་སྤོར་བྱེད་ཐབས་བྲལ།

རིག་ལྡན་འཚོ་བས་སྒྲིག་ཆས་རིམ་སྤོར་བྱེད་པའི་བརྒྱུད་ལམ་ཁོ་ན་མཁོ་འདོན་བྱེད། སྒྲིག་ཆས་མཁྲེག་ཆས་ཀྱི་པར་གཞི་སྒྲིག་ཆས་ཀྱི་ཐོན་སྐྱེད་བཟོ་གྲྭས་མཁོ་འདོན་བྱེད། ཐོན་སྐྱེད་བཟོ་གྲྭས་པར་གཞིའི་སྤུས་ཀ་དང་རིམ་སྤོར་གྱི་མཇུག་འབྲས་ལ་འགན་འཁུར། སྒྲིག་ཆས་ཁག་ཅིག་གིས་རང་འགུལ་གྱིས་མཁྲེགས་ཆས་རིམ་སྤོར་རྩོལ་ནུས་ལ་རྒྱབ་སྐྱོར་བྱེད། རང་འགུལ་གྱིས་རིམ་སྤོར་གྱི་རྩོལ་ནུས་སྤྱོད་འགོ་ཚུགས་རྗེས། སྒྲིག་ཆས་ཀྱིས་རང་འགུལ་གྱིས་མཁྲེགས་ཆས་ཀྱི་པར་གཞི་གསར་པ་ཞིབ་དཔྱད་ཚད་ལེན་དང་ཕབ་ལེན། སྒྲིག་འཇུག་བྱེད་སྲིད། ཁྱེད་ཀྱིས་སྒྲིག་ཆས་ཀྱི་སྒྲིག་འགོད་མཚམས་ངོས་ནས་རང་འགུལ་རིམ་སྤོར་ཁ་ཕྱེ་བའམ་ཁ་རྒྱག་ཆོག་ལ། རང་འགུལ་རིམ་སྤོར་རྩོལ་ནུས་ཁ་བརྒྱབ་རྗེས་ཁྱེད་ཀྱིས་སྔར་བཞིན་ལག་འགུལ་གྱིས་རིམ་སྤོར་བྱེད་ཆོག

1.8 བཟོ་ལྗོངས་དང་ཁྱིམ་ཚང་དོ་དམ་དང་སྒྲིག་ཆས་མཉམ་སྤྱོད།

བཟོ་ལྗོངས་དང་ཁྱིམ་ཚང་དོ་དམ་དང་སྒྲིག་ཆས་མཉམ་སྤྱོད་མངོན་འགྱུར་བྱེད་ཆེད། ང་ཚོས་ཁྱེད་ཀྱི་གཤམ་གསལ་ཆ་འཕྲིན་བསྡུ་རུབ་བྱེད་དགོས་ཏེ། ཧྭ་ཝེའི་དྲ་གྲངས། གཅེས་མིང་། མགོ་པར། སྒྲིག་ཆས་ཀྱི་ཆ་འཕྲིན། བཟོ་ལྗོངས་བྱང་བུའི་ཆ་འཕྲིན། བཟོ་ལྗོངས་ IDབཟོ་ལྗོངས་སྒྲིག་འགོད་དང་ཁྱིམ་ཚང་ཚོ་ཁག་དོ་དམ། སྒྲིག་ཆས་མཉམ་སྤྱོད་དང་སྒྲིག་ཆས་ཀྱི་མཉམ་སྤྱོད་བསྡུ་ལེན་བྱེད་པར་སྤྱོད།

བཟོ་ལྗོངས་ཤོག་བྱང་གིས་རང་འགུལ་ངང་ལས་འགན་སྣ་ཚོགས་བསྒྲུབ་ཐུབ། ང་ཚོས་ཁྱེད་ཀྱི་སྒྲིག་འགོད་དུས་ཚོད་དང་། ས་གནས།(ཞིབ་གཙིགས་གནས་ཀྱི་ཆ་འཕྲིན།)དམིགས་བསལ་གྱི་བཟོ་ལྗོངས་སོགས་ཀྱི་ལན་སློག་སྒྲ་སོགས་ཀྱི་ཆ་འཕྲིན་བཟོས་ནས་བཟོ་ལྗོངས་དེ་དག་གི་སྒྲིག་འགོད་ཆ་འཕྲིན་ལ་གསང་སྡོམ་བྱས་ནས་གསོག་འཇོག་བྱེད། ཧྭ་ཝེ་ནས་སྐབས་བསྟུན་སྒྲིག་ཆས་ཀྱི་གསལ་བྱེད་རྟགས་ཐོན་རྒྱུ་དང་འབྲེལ་དེ་དང་ཁྱེད་ཀྱིས་འཚོལ་དགོས་པའི་ཆ་འཕྲིན་ཕྱོགས་གསུམ་པའི་ཞབས་ཞུར་མཉམ་དུ་བརྒྱུད་བསྒྲགས་བྱེད། ཕྱོགས་གསུམ་པས་ཁྱེད་ཀྱི་ཐོབ་ཐང་ཆ་འཕྲིན་ཤེས་ཀྱི་མེད། ཁྱེད་ཀྱིས་བཟོ་ལྗོངས་སྒྲིག་བཀོད་དང་བསྣན་རྗེས། ཁྱེད་ཀྱིས་ལག་སྒུལ་གྱིས་བཟོ་ལྗོངས་ཤོག་བྱང་མནན་ནས་བཟོ་ལྗོངས་དེ་ལག་བསྟར་བྱེད་པའམ་ཡང་ན་སྒྲིག་འགོད་ཆ་རྐྱེན་འཛོམས་སྐབས་བཟོ་ལྗོངས་ཤོག་བྱང་གིས་ཡང་རང་འགུལ་ངང་ལག་བསྟར་བྱེད། ཁྱེད་ཀྱིས་རང་འགུལ་ཅན་གྱི་བསད་སྤར་མནན་ནས་ཁ་རྒྱབ་ཆོག

བཟོ་ལྗོངས་སྒྲིག་བཀོད་བྱེད་པའི་ཁྲོད་དུ་གནམ་གཤིས་སྒྲོག་སྤེལ་དང་། གཞུང་ལམ་ཕྱོགས་སྟོན། ས་ཁམས་ར་བསྐོར་སོགས་ཀྱི་རྩོལ་ནུས་འདོན་སྤྲོད་བྱེད་ཆེད། ང་ཚོས་ཀའོ་ཏེ་ཡི་གནས་ངེས་དང་། བཤེར་འཚོལ་དང་། ས་ཁྲའི་ཞབས་ཞུ་ SDKབཅས་ཕྱོགས་བསྡུས་བྱས་ཡོད། ང་ཚོས་ཁྱེད་ཀྱི་སྒྲིག་ཆས་ཀྱི་ཆ་འཕྲིན་དང་། གནས་ཡུལ་གྱི་ཆ་འཕྲིན། དྲ་རྒྱའི་ཆ་འཕྲིན་ཀའོ་ཏེ་ཞབས་ཞུའི་ཚོང་པར་མཉམ་སྤྱོད་བྱས་ནས་དེ་མཚུངས་ཀྱི་ཞབས་ཞུ་མཁོ་འདོན་བྱེད་པར་སྤྱོད་ཀྱི་ཡོད། ཕྱོགས་སྟོན་ཞབས་ཞུ་འདོན་སྤྲོད་བྱེད་ཆེད། ང་ཚོས་བསྡུ་རུབ་བྱས་པའི་གནས་ཡུལ་གྱི་ཆ་འཕྲིན་དེ་ཀའོ་ཏེ་དང་པའེ་ཏུའུ་ལ་མཉམ་སྤྱོད་བྱས་ནས་ཇུས་འགོད་དང་། ལམ་ཐིག་ཕྱོགས་སྟོན་བྱེད་ཀྱི་ཡོད། ཞིབ་ཕྲའི་གཞི་གྲངས་ཀྱི་བསྡུ་རུབ་དང་ཐག་གཅོད་དེ་ཕྱོགས་གསུམ་པའི་སྒེར་གསང་སྲིད་ཇུས་ལྟར་ལག་བསྟར་བྱེད་དགོས་པ་དང་། ཞིབ་ཕྲའི་གནས་ཚུལ་ནི་ཀའོ་ཏེ་དང་པའེ་ཏུའུ་ས་ཁྲའི་ཞབས་ཞུའི་ཚོང་པའི་སྒེར་གསང་སྲིད་ཇུས་ལ་ཟུར་ལྟ་གནང་རོགས།

གལ་སྲིད་ཁྱེད་ཀྱིས་རིགས་འདིའི་ཆ་འཕྲིན་མཁོ་འདོན་མི་བྱེད་ཚེ། བཟོ་ལྗོངས་དང་ཁྱིམ་ཚང་དོ་དམ་དང་སྒྲིག་ཆས་མཉམ་སྤྱོད་ཀྱི་རྩོལ་ནུས་སྤྱོད་ཐབས་བྲལ།

བཟོ་ལྗོངས་རྩོལ་ནུས་ནི་ཉེར་སྤྱོད་ཁྲོམ་ར་ནས་བཀྲམ་པའི་པར་གཞི་སོགས་ལ་མ་གཏོགས་རྒྱབ་སྐྱོར་མི་ཐོབ།

1.9 རིག་ལྡན་འཚོ་བའི་ལས་སྒོ་གཉེར་སྐྱོང་།

རིག་ལྡན་འཚོ་བའི་ལས་སྒོ་གཉེར་སྐྱོང་གི་ཞབས་ཞུ་མཁོ་འདོན་བྱ་ཆེད། ང་ཚོས་ཁྱེད་ཀྱི་གཤམ་གསལ་ཆ་འཕྲིན་འཚོལ་བསྡུ་བྱེད་དགོས་པ་སྟེ། སྤྱོད་མཁན་གྱི་གསལ་བྱེད་རྟགས་དང་། IPགནས་ཡུལ། འབྱོར་ཐོ་འགོད། བྱ་དགའི་རྒྱན་ལེན་དང་། རིག་སྲན་བརྗེ་བའི་ཟིན་ཐོ། ཁྱེད་ཀྱིས་ཚུར་ལན་བྱས་པའི་དངུལ་བརྗེའི་བྱ་དགའི་ཆ་འཕྲིན།(རུས་མིང་། ཁ་པར་ཨང་གྲངས། གནས་ཡུལ།)བཟོ་ལྗོངས་བསྔགས་བརྗོད་བཅས་རེད། ཆ་འཕྲིན་དེ་རིགས་བསྡུ་རུབ་བྱེད་པའི་དམིགས་ཡུལ་ནི་འབྱོར་ཐོ་འགོད་པ་དང་བྱ་དགའ་ལེན་པ། བརྗེ་བ། བཟོ་ལྗོངས་འོས་སྦྱོར་སོགས་ཀྱི་གཉེར་སྐྱོང་བྱེད་སྒོ་སྤེལ་རྒྱུ་དེ་རེད།

ཁྱེད་ལ་བྱ་དགའི་དངོས་རྫས་བསྐུར་ཆེད། ང་ཚོས་ཁྱེད་ཀྱི་འབྲེལ་གཏུག་བྱ་ཐབས་བསྡུ་རུབ་བྱས་ཏེ་ཕྱོགས་གསུམ་པའི་ཟོག་སྐྱེལ་ཀུང་སི་ལ་མཁོ་འདོན་བྱ་དགོས།

གལ་སྲིད་ཁྱེད་ཀྱིས་ཆ་འཕྲིན་འདི་རིགས་མཁོ་འདོན་མ་བྱས་ན་རིག་ལྡན་འཚོ་བའི་ལས་སྒོ་གཉེར་སྐྱོང་བྱེད་མི་ཐུབ།

འབྱོར་ཐོ་བཀོད་ནས་བྱ་དགའི་རྒྱན་ལེན་རྩོལ་ནུས་དང་རིག་སྲན་བརྗེ་བའི་རྩོལ་ནུས་ཡིས་ཉེར་སྤྱོད་ཁྲོམ་ར་ནས་བཀྲམ་པའི་པར་གཞི་ཁོ་ནར་རྒྱབ་སྐྱོར་བྱེད།

1.10 ཚོང་ཁྲོམ་དང་རྩེད་དགའ།

ཚོང་ཁྲོམ་དང་རིག་ལྡན་འཚོ་བའི་ཐོན་རྫས་ཀྱི་བརྡ་འཕྲིན་དང་ཀུན་དཔྱད་ཞབས་ཞུ་མངོན་འགྱུར་བྱེད་ཆེད། རིག་ལྡན་འཚོ་བའི་ཉེར་སྤྱོད་ཀྱིས་ཧྭ་ཝེ་ཁྲོམ་ར་འདུས་གྲུབ་བྱས་ཡོད། ཁྱེད་ཀྱིས་ཚོང་ཁྲོམ་དུ་དབང་སྤྲོད་ནས་མཉམ་སྤྱོད་བྱས་པའམ་ཡར་སྤྲད་པའི་མི་སྒེར་ཆ་འཕྲིན་གྱི་སྒེར་གསང་སྲུང་སྐྱོབ། ཧྭ་ཝེ་ཁྲོམ་རས་སྒེར་གསང་སྲིད་ཇུས་བདག་སྐྱོར་མཁོ་འདོན་བྱེད།

གལ་ཏེ་ཁྱེད་ཀྱིས་ཚོང་རྫས་དང་ཞབས་ཞུ་ཉོ་ཚེ། ཁྱེད་ཀྱི་མིང་དང་ས་གནས།ཁ་པར་ཨང་གྲངས་ནང་འཇུག་བྱེད་ནས། ཉོ་སྒྲུབ་ལེགས་འགྲུབ་བྱེད་དགོས། ཁྱེད་ཀྱི་གཞི་གྲངས་དང་མངག་ཐོའི་ཆ་འཕྲིན་ཧྭ་ཝེ་ཁྲོམ་ར་ཡི་ཞབས་ཞུའི་སྟེགས་བུར་ཉར་ཚགས་བྱེད་སྲིད། ཞིབ་ཕྲ་ཧྭ་ཝེ་ཁྲོམ་རའི་སྒེར་གསང་སྲིད་ཇུས་ལ་གཟིགས་རོགས།

གལ་ཏེ་ཁྱེད་ཀྱིས་ཆ་འཕྲིན་འདི་དག་མཁོ་སྤྲོད་ཚེ། ཧྭ་ཝེ་ཁྲོམ་ར་དུ་དངོས་ཟོག་ཉོ་ཐབས་བྲལ། འོན་ཀྱང་དེ་ཡིས་ཞབས་ཞུ་འདིའི་རྩོལ་ནུས་གཞན་དག་སྤྱོད་པར་ཤུགས་རྐྱེན་མི་ཐེབས།

1.11 གླེང་སྟེགས།

གླེང་སྟེགས་ཀྱི་རྩོལ་ནུས་མངོན་འགྱུར་འོང་ཆེད། རིག་ལྡན་འཚོ་བའི་ཉེར་སྤྱོད་སྟེང་ལ་ཧྭ་ཝེའི་སྤྲོ་སྐྱིད་ཁང་ནས་མཁོ་འདོན་བྱེད་པའི་ཞབས་ཞུ་འདུས་ཡོད། ཁྱེད་ཀྱིས་གླེང་སྟེགས་རྩོལ་ནུས་བེད་སྤྱོད་གཏོང་དུས། ཡར་སྤྲོད་བྱེད་པའི་མི་སྒེར་གྱི་ཆ་འཕྲིན་གྱི་སྒེར་གསང་སྲུང་སྐྱོབ་ནི་ཧྭ་ཝེའི་སྤྲོ་སྐྱིད་ཁང་ནས་བཏོན་པའི་གསང་དོན་སྒྲིག་སྲོལ་གྱི་མངའ་འོག་ཏུ་ཚུད།

གལ་སྲིད་ཁྱེད་ཀྱིས་གླེང་སྟེགས་ཁྲོད་དུ་བརྡ་ཡིག་སྤེལ་བ་དང་དཔྱད་བརྗོད་བགྱིས་དགོས་ཚེ། སྔོན་ལ་ཧྭ་ཝེའི་ཐོ་ཨང་ཐོ་འཇུག་བྱེད་དགོས། ཁྱེད་ཀྱི་གཞི་གྲངས་དང་མི་སྒེར་ཆ་འཕྲིན་སོགས་ཧྭ་ཝེའི་སྤྲོ་སྐྱིད་ཁང་གི་ཞབས་ཞུ་ཆས་སུ་གསོག་ཉར་བྱ་ངེས། ཞིབ་མོའི་ནང་དོན་ཧྭ་ཝེའི་སྤྲོ་སྐྱིད་ཁང་གི་གསང་དོན་གསལ་བསྒྲགས་ལ་གཟིགས་རོགས།

གལ་ཏེ་ཁྱེད་ཀྱིས་ཆ་འཕྲིན་འདི་དག་མཁོ་སྤྲོད་མ་བྱེད་ཚེ། གླེང་སྟེགས་སུ་སྦྱར་ཡིག་སྤེལ་བ་དང་དཔྱད་བརྗོད་བྱེད་མི་ཐུབ། འོན་ཀྱང་འདིས་ཁྱེད་ཀྱིས་ཞབས་ཞུ་འདིའི་རྩོལ་ནུས་གཞན་དག་བེད་སྤྱོད་བྱེད་པར་ཤུགས་རྐྱེན་མི་ཐེབས།

1.12 སྤྱོད་པ་པོའི་ཉམས་ལེན་ལེགས་བཅོས་འཆར་གཞི།

སྐྱོན་སེལ་བ་དང་སྤྱོད་པ་པོའི་ཉམས་ལེན་ལེགས་བཅོས་གཏོང་ཆེད། ང་ཚོས་ཁྱེད་ཀྱི་གཤམ་གསལ་གྱི་ཆ་འཕྲིན་འཚོལ་བསྡུ་བྱེད་དགོས་པ་སྟེ། རིག་ལྡན་འཚོ་བའི་ཉེར་སྤྱོད་དང་རིག་ལྡན་སྒྲིག་ཆས་ཀྱི་ཟིན་ཐོ། དེའི་ཁྲོད་དུ་མིང་མི་འགོད་པར་ཐག་གཅོད་བྱས་རྗེས་ཀྱི་སྒྲིག་ཆས་ཨང་རྟགས་དང་འགག་རྩའི་བརྒྱུད་རིམ་ཉིན་ཐོ་དང་། དོན་རྐྱེན་ཉིན་ཐོ། ཆག་སྐྱོན་ཉིན་ཐོ། དེ་བས་ཁྱེད་ཀྱི་ཚོར་སྣང་སྐྱེན་པའི་ཆ་འཕྲིན་ཟིན་ཐོར་འགོད་མི་སྲིད།

ང་ཚོས་གཤམ་གསལ་གྱི་བྱེད་ཐབས་ལམ་ནས་ཁྱེད་ཀྱི་མི་སྒེར་ཆ་འཕྲིན་བེད་སྤྱོད་བྱེད་དེ། རང་འགུལ་གྱིས་རིག་ལྡན་འཚོ་བའི་ཉེར་སྤྱོད་དང་རིག་ལྡན་སྒྲིག་ཆས་ཀྱི་ཉིན་ཐོ་བསྡུ་རུབ་བྱེད་ཅིང་ཞབས་ཞུའི་སྟེགས་བུར་ཡར་སྐུར། ཉིན་ཐོའི་ཆ་འཕྲིན་དབྱེ་ཞིབ་དང་སྒྲིག་ཆས་འཁོར་བསྐྱོད་རྣམ་པར་བརྟག་པ། སྒྲིག་ཆས་ཀྱི་ཆག་སྐྱོན་ངོས་འཛིན་དང་གནས་ངེས་བྱེད།

གལ་ཏེ་ཁྱེད་ཀྱིས་ཆ་འཕྲིན་འདི་དག་མཁོ་འདོན་མི་བྱེད་ཚེ། རིག་ལྡན་འཚོ་བའི་ལས་སྒོ་ཡི་ཆག་སྐྱོན་དུས་ལྟར་གསར་རྙེད་དང་ཐག་གཅོད་བྱེད་ཐབས་བྲལ། དུས་ལྟར་སྤྱོད་མཁན་གྱི་ཉམས་ལེན་ཇེ་ལེགས་སུ་གཏོང་ཐབས་བྲལ། འོན་ཀྱང་དེས་ཞབས་ཞུ་འདིའི་རྩ་བའི་རྩོལ་ནུས་བེད་སྤྱོད་པར་ཤུགས་རྐྱེན་མི་ཐེབས། ཁྱེད་རང་ངའི་ནས་སྒྲིག་འགོད་དུ་ཕེབས་ཏེ། སྤྱོད་པ་པོའི་ཉམས་ལེན་ལེགས་བཅོས་འཆར་གཞིའི་ནང་དུ་ཞུགས་པ་ཡི་ཁ་རྒྱག་ཆོག

1.13 ཕྱོགས་གསུམ་པའི་སྐྱེ་ཁམས་སྒྲིག་ཆས་ཀྱི་དོ་དམ་ཞབས་ཞུ།

ཕྱོགས་གསུམ་པའི་སྒྲིག་ཆས་དོ་དམ་ལས་སྒོའི་ནང་། ང་ཚོས་ཕྱོགས་གསུམ་པའི་ཞབས་ཞུ་མཁོ་འདོན་ཚོང་པ་དང་མཉམ་ལས་བྱ་རྒྱུ་ཡིན། དེའི་ནང་ང་ཚོས་ཕྱོགས་གསུམ་པའི་ཞབས་ཞུ་མཁོ་འདོན་ཚོང་པ་ནས་ཁྱེད་རང་གི་མི་སྒེར་གྱི་ཆ་འཕྲིན་ཐོབ་ཐབས་བྱ་རྒྱུ་དང་འབྲེལ་བ་ཡོད། ང་ཚོས་ཁྱེད་རང་གི་ཕྱོགས་གསུམ་པའི་རྩིས་ཐོའི་ཨང་གྲངས་དང་འབྲེལ་བའི་ཆ་རྐྱེན་འོག་ཁྱེད་རང་གི་གཤམ་གྱི་མི་སྒེར་གྱི་ཆ་འཕྲིན་ཐོབ་ཐབས་བྱེད།

ཕྱོགས་གསུམ་པའི་རྩིས་ཐོའི་ཨང་གྲངས་ཀྱི་ཆ་འཕྲིན། དེའི་ནང་ཁྱེད་ཀྱི་གཅེས་མིང་དང་མགོ་པར། རིག་ལྡན་འཚོ་བའི་ཉེར་སྤྱོད་ཁྲོད་དུ་འཆར་བར་བཀོལ་བ།

ཕྱོགས་གསུམ་པའི་ཉེར་སྤྱོད་ཐོག་སྣོན་པའི་སྒྲིག་ཆས་ཁ་ཤས་ཀྱི་རེའུ་མིག རིག་ལྡན་འཚོ་བའི་ཉེར་སྤྱོད་ཁྲོད་དུ་འཆར་བར་བཀོལ་སྤྱོད་བྱེད།

སྒྲིག་ཆས་དང་དྲ་རྒྱའི་ཆ་འཕྲིན། དེའི་ནང་དུ་སྒྲིག་ཆས་ཀྱི་གསལ་བྱེད་རྟགས་དང་ MAC གནས་ཡུལ། སྒྲིག་ཆས་ཀྱི་རིམ་ཨང་བཅས་ཚུད་དེ། མིག་སྔར་ལས་ཀ་བྱེད་བཞིན་པའི་སྒྲིག་ཆས་ངོས་འཛིན་པར་དང་སྒྲིག་ཆས་ཀྱི་བདེ་འཇགས་ཚོད་འཛིན་བྱེད་པར་བེད་སྤྱོད།

གལ་ཏེ་ང་ཚོས་ལས་སྒོ་སྤེལ་སྐབས་མི་སྒེར་གྱི་ཆ་འཕྲིན་ཐག་གཅོད་བྱེད་པའི་བྱེད་སྒོ་དེ་ཁྱེད་ཀྱིས་མ་གཞི་ཕྱོགས་གསུམ་པའི་ཞབས་ཞུ་མཁོ་འདོན་བྱེད་མཁན་ལ་མི་སྒེར་གྱི་ཆ་འཕྲིན་འདོན་སྤྲོད་བྱེད་པའི་ཁྱབ་ཁོངས་ལས་བརྒལ་ན། ང་ཚོས་ཁྱེད་ཀྱི་མི་སྒེར་གྱི་ཆ་འཕྲིན་དེ་ཐག་གཅོད་མ་བྱས་གོང་ཁྱེད་ཀྱི་མོས་མཐུན་ཐོབ་པར་བྱེད། དེ་མིན། ང་ཚོས་འབྲེལ་ཡོད་བཅའ་ཁྲིམས་དང་ཁྲིམས་སྲོལ་གྱི་གཏན་འཁེལ་ལ་བརྩི་སྲུང་ནན་པོ་ཞུ་རྒྱུ་མ་ཟད། ཕྱོགས་གསུམ་པའི་ཞབས་ཞུ་མཁོ་འདོན་བྱེད་མཁན་དེས་མཁོ་འདོན་བྱས་པའི་ཆ་འཕྲིན་གྱི་ཁྲིམས་མཐུན་རང་བཞིན་ལ་འགན་སྲུང་བྱེད་པའི་རེ་བ་འདོན་རྒྱུ་ཡིན།

ང་ཚོས་ཆ་འཕྲིན་གསལ་བསྒྲགས་འདིའི་ནང་འཁོད་མེད་པའི་སྤྱོད་སྒོ་གཞན་ལ་སྤྱོད་སྐབས་སྔོན་ལ་ཁྱེད་རང་གི་མོས་མཐུན་བསྡུ་ལེན་བྱེད།

ང་ཚོས་དམིགས་བསལ་གྱི་དམིགས་ཡུལ་ལ་བརྟེན་ནས་འཚོལ་བསྡུ་བྱས་པའི་ཆ་འཕྲིན་དམིགས་ཡུལ་གཞན་ལ་སྤྱོད་སྐབས། སྔོན་ལ་ཁྱེད་རང་གི་མོས་མཐུན་བསྡུ་ལེན་བྱེད།

ཁྱེད་ཀྱི་ངའི་ནས་ཕྱོགས་གསུམ་པའི་སྟེགས་བུ་དང་སྦྲེལ་བ་བརྒྱུད་ནས་ཕྱོགས་གསུམ་པའི་ཉེར་སྤྱོད་གདམས་གསེས་བཏང་རྗེས། བསྡམ་པ་ཤིག་ལ་རྡེབ་རྗེས་དབང་སྤྲོད་ཕྱིར་འཐེན་བྱེད་ཆོག

ཁྱེད་རང་ལ་ཕྱོགས་གསུམ་པའི་རིག་ལྡན་ཁྱིམ་ཆས་ཞབས་ཞུ་མཁོ་འདོན་བྱེད་ཆེད། རིག་ལྡན་འཚོ་བའི་ཉེར་སྤྱོད་ཀྱིས་ཅིན་ཏུང་ SDK འདུས་གྲུབ་བྱས་ཏེ་ཅིན་ཏུང་སྟེགས་བུ་དང་སྦྲེལ་མཐུད་མངོན་འགྱུར་བྱེད། ཕྱོགས་གསུམ་པའི་སྟེགས་བུ་གཞན་དང་སྦྲེལ་མཐུད་བྱེད་པར་ Web དྲ་ངོས་དབང་སྤྲོད་ཀྱི་རྣམ་པ་སྤྱོད་ལ། ཁེར་རྐྱང་གི་ SDK འདུས་གྲུབ་བྱེད་མི་དགོས།

1.14 ཕྱོགས་གསུམ་པའི་སྐྱེ་ཁམས་ཞབས་ཞུ་ལ་ཐོན་རྫས་རྐྱང་པའི་དོ་དམ་ནུས་པ་མཁོ་འདོན་བྱེད།

ཁྱེད་ཀྱིས་ཕྱོགས་གསུམ་པའི་རིག་ལྡན་ཁྱིམ་སྤྱོད་ཉེར་སྤྱོད་སྟེང་ལ་ ཧྭ་ཝེའི་དྲ་གྲངས་ སྡོམ་ཆིངས་བྱེད་པ་དང་ཕྱོགས་གས་གསུམ་པའི་ཉེར་སྤྱོད་དོ་དམ་རིག་ལྡན་སྒྲིག་ཆས་ལ་དབང་སྤྲོད་བཏང་ན། ང་ཚོས་སྒྲིག་ཆས་དེ་ལ་གཤམ་གསལ་གྱི་ཆ་འཕྲིན་འདོན་སྤྲོད་བྱ་དགོས། སྒྲིག་ཆས་ཀྱི་གསལ་བྱེད་རྟགས། སྒྲིག་ཆས་ཀྱི་མཁྲེགས་ཆས་ཆ་འཕྲིན། དྲ་བའི་ཆ་འཕྲིན། སྒྲིག་ཆས་ཀྱི་སྤྱོད་བཞིན་པའི་རྣམ་པ། རང་བཟོས་ཁྱད་གཤིས། སྒྲིག་འགོད་ཀྱི་རྣམ་གྲངས། ལས་སྒོའི་དོན་རྐྱེན། ད་དུང་སྒྲིག་ཆས་ཚོད་འཛིན་དང་བེད་སྤྱོད་ཟིན་ཐོ་བཅས་འདུས་ཡོད། ཕྱོགས་གསུམ་པའི་རིག་ལྡན་ཁྱིམ་ཆས་ཉེར་སྤྱོད་ལ་མཁོ་འདོན་བྱས་པའི་མི་སྒེར་གྱི་ཆ་འཕྲིན་ལ་སྒེར་གྱི་གསང་བའི་སྲིད་ཇུས་ཀྱི་བདག་ཁོངས་མཁོ་འདོན་བྱེད་ཀྱི་ཡོད་པས། ཕྱོགས་གསུམ་པའི་སྒེར་གསང་སྲིད་ཇུས་དཔྱད་གཞིར་འཛིན་དགོས། དེ་དང་ཆབས་ཅིག་རྩོལ་ནུས་དེ་བེད་སྤྱོད་མ་བྱས་གོང་ཁྱེད་ཀྱིས་ཕྱོགས་གསུམ་པའི་ཞབས་ཞུའི་འཛད་སྤྱོད་པའི་གྲོས་མཐུན་དང་འབྲེལ་ཡོད་ཀྱི་གསང་བའི་སྲིད་ཇུས་ལྟ་ཀློག་བྱ་རྒྱུའི་གཏན་འཁེལ་བྱས་ཟིན། ཁྱེད་རང་ཧྭ་ཝེའི་དྲ་གྲངས་ཁྲོད་ཀྱི་གསང་བའི་ལྟེ་གནས་ལ་བསྐྱོད་ནས་དབང་སྤྲོད་ལ་ལྟ་ཞིབ་དང་ཕྱིར་འཐེན་བྱེད་ཆོག

2. སྒྲིག་ཆས་ཀྱི་དབང་ཚད་འཐེན་སྤྱོད།

ཁ་པར་(སྒྲིག་ཆས་ཀྱི་ཆ་འཕྲིན།)གྱི་དབང་ཚད། གྱོན་འོས་རིགས་ཀྱི་སྒྲིག་ཆས་འཆར་བར་རྒྱབ་སྐྱོར་བྱ་ཆེད། ང་ཚོས་ཁྱེད་ཀྱི་སྒྲིག་ཆས་ཀྱི་གསལ་བྱེད་ཨང་སྤྱད་ནས་གྱོན་འོས་རིགས་ཀྱི་སྒྲིག་ཆས་གསལ་འབྱེད་བྱེད་དགོས། རྒྱུད་ཁོངས་དབང་ཚད་ཀྱི་རེ་ཞུ་རྩ་དོན་གཞིར་བཟུང་ནས། ཁྱེད་ཀྱི་ཁ་པར་གྱི་དབང་ཚད་ཐོབ་ཐབས་བྱེད་དགོས་ཏེ། དེ་ལྟར་བྱས་ན་ད་གཟོད་ཁྱེད་ཀྱི་སྒྲིག་ཆས་ཀྱི་གསལ་བྱེད་རྟགས་ཀློག་ཐུབ།

གནས་ཡུལ་གྱི་དབང་ཚད། རིག་ལྡན་འཚོ་བའི་ཉེར་སྤྱོད་དང་རིག་ལྡན་སྒྲིག་ཆས་ཀྱི་དྲ་སྦྲེལ་མངོན་འགྱུར་འབྱུང་ཆེད། ང་ཚོས་རྒྱུད་ཁོངས་ཀྱི་ WLAN རེའུ་མིག་དང་སོ་སྔོན་སྒྲིག་ཆས་ཀྱི་རེའུ་མིག་ལེན་དགོས། རྒྱུད་ཁོངས་དབང་ཚད་ཀྱི་རེ་ཞུ་རྩ་དོན་གཞིར་བཟུང་ནས། ཁྱེད་ཀྱི་གནས་ཡུལ་གྱི་དབང་ཚད་ཐོབ་ཐབས་བྱེད་དགོས་ཏེ། དེ་ལྟར་བྱས་ན་ད་གཟོད་WLAN རེའུ་མིག་དང་སོ་སྔོན་སྒྲིག་ཆས་ཀྱི་རེའུ་མིག་ཀློག་ཐུབ། ཁྱེད་རང་གི་བཟོ་ལྗོངས་ཤོག་བྱང་སྒྲིག་འགོད་བྱེད་སྐབས་ས་བབ་ཀྱི་གནས་ཡུལ་སྒྲིག་བཀོད་བྱེད་བདེ་ཡོང་ཆེད། ཁྱེད་རང་གི་གནས་ཡུལ་དབང་ཚད་རགས་ཐབས་བྱེད་དགོས།

པར་ཆས་ཀྱི་དབང་ཚད། རིག་ལྡན་འཚོ་བའི་ཁྲོད་ནས་རྩ་གཉིས་རྟགས་རིས་ལ་བཤེར་འབེབས་ཀྱིས་སྤྱོད་མཁན་སྣོན་པ་སོགས་ཀྱི་རྩོལ་ནུས་སྤྱོད་པ་མངོན་འགྱུར་འབྱུང་ཆེད། ཁྱེད་ཀྱིས་རྩོལ་ནུས་འདིའི་ཁ་འབྱེད་པ་གདམ་དགོས།

ཁ་པར་ཐོ་དེབ་ཀྱི་དབང་ཚད། རིག་ལྡན་འཚོ་བའི་ཁྲོད་ནས་སྒྲིག་ཆས་མཉམ་སྤྱོད་སོགས་ཀྱི་རྩོལ་ནུས་སྤྱོད་པ་མངོན་འགྱུར་འབྱུང་ཆེད། ཁྱེད་ཀྱིས་རྩོལ་ནུས་འདིའི་ཁ་འབྱེད་པ་གདམ་དགོས།

སྒྲ་དུང་གི་དབང་ཚད། རིག་ལྡན་འཚོ་བའི་ཁྲོད་ནས་སྒྲ་དུང་རིགས་ཀྱི་སྒྲིག་ཆས་སྦྲེལ་བ་དང་ཁྱེད་རང་གིས་རང་སྒྲིག་གི་སྐད་གདངས་ཕབ་འཇུག་མངོན་འགྱུར་འབྱུང་ཆེད། ཁྱེད་ཀྱིས་རྩོལ་ནུས་འདིའི་ཁ་འབྱེད་པ་གདམ་དགོས།

གསོག་འཇོག་དབང་ཚད། རིག་ལྡན་འཚོ་བའི་ཁྲོད་ནས་གནད་དོན་ལྡོག་འདྲེན་དང་། རིག་སྲན་རྒྱན་ལེན་དང་བཟོ་ལྗོངས་ཤོག་བྱང་གསོག་འཇོག་ནང་གི་སྒྲིག་འགོད་སོགས་ཀྱི་རྩོལ་ནུས་མངོན་འགྱུར་ཡོང་ཆེད། ཁྱེད་ཀྱིས་རྩོལ་ནུས་འདིའི་ཁ་འབྱེད་པ་གདམ་དགོས་ལ། སྒྲིག་ཆས་སྟེང་ཉར་ཚགས་བྱས་པའི་ཡིག་ཆ་ཀློག་འདོན་དུ་སྤྱོད་པ་རེད།

སྒྲིག་འཇུག་བྱས་ཟིན་པའི་ཉེར་སྤྱོད་རེའུ་མིག་གི་དབང་ཚད། སྐུད་མེད་ཤོང་ཆེའི་ཐོན་རྫས་ཀྱི་བཞུར་ཚད་མེད་པར་ཉེར་སྤྱོད་ཀྱི་རྩོལ་ནུས་མངོན་འགྱུར་བྱེད་ཆེད། ཁྱེད་རང་གིས་དབང་ཚད་འདི་ཁ་ཕྱེ་བ་གདམ་ག་བྱེད་དགོས།

གོང་བརྗོད་དབང་ཚད་ཕུད། ཉེར་སྤྱོད་འདི་སོ་སྔོན་སྒྲིག་ཆས་དང་སྦྲེལ་བའམ་ཡང་ན་ NFC བརྒྱུད་ནས་སྒྲིག་ཆས་དང་སྦྲེལ་སྐབས། སོ་སྔོན་ནམ་ཡང་ན་ NFC ཁ་འབྱེད་དགོས་ཏེ། གལ་ཏེ་ཁ་མ་ཕྱེ་ཚེ་སྒྲིག་ཆས་དང་སྦྲེལ་ཐབས་བྲལ། ཁྱེད་ཀྱིས་རྒྱུད་ཁོངས་སྒྲིག་འགོད་བརྒྱུད་ནས་སོ་སྔོན་ནམ་ཡང་ན་ NFC ཁ་རྒྱག་ཆོག

ཁྱེད་ཀྱིས་ག་དུས་ཡིན་ཡང་རྒྱུད་ཁོངས་ཀྱི་སྒྲིག་འགོད་ལ་ལྟ་སྤྱོད་བྱས་ཏེ་ཉེར་སྤྱོད་འདིའི་དབང་ཚད་ལ་དོ་དམ་བྱས་ཆོག

3. སྤྱོད་མཁན་གྱི་རང་ཉིད་ཀྱི་ཁྱད་ཆོས་ལྡན་པའི་འོས་སྦྱོར་དང་ཐོན་རྫས་གསར་པའི་འབུད་སྐྱེལ།

ང་ཚོས་རིག་ལྡན་འཚོ་བའི་ཉེར་སྤྱོད་ལས་བྱུང་བའི་བསྡོམས་རྩིས་ཆ་འཕྲིན་གཞིར་བཟུང་ཁྱེད་རང་ལ་སྤྲོ་བ་ཡོད་སྲིད་པའི་ནང་དོན་(དེའི་ནང་ཚོང་ལས་ཀྱི་བརྡ་ཁྱབ་ཁག་གཅིག་ཚུད་ཡོད)འབུད་སྐྱེལ་བྱ་རྒྱུ་ཡིན། དེའི་ནང་བརྡ་ཐོ་སྒྲོམ་མམ་ཡང་ན་ཉེར་སྤྱོད་ནང་བྱེད་སྒོ་དང་། བྱ་དགའ་ཐོབ་པ། དཔྱད་བརྗོད་སོགས་ཀྱི་བརྡ་འཕྲིན་འགྲེམ་སྟོན་བྱེད་པ་ཙམ་མ་ཡིན་པར་ཁྱེད་རང་ལ་དེ་བས་ལེགས་པའི་བེད་སྤྱོད་ཉམས་ལེན་དང་རང་གཤིས་ཅན་གྱི་ཞབས་ཞུ་མཁོ་འདོན་བྱེད་བདེ་ཡོང་ཆེད་ཡིན། རྩོལ་ནུས་དེ་ལ་ཁྱེད་ཀྱིས་དབང་སྤྲོད་བཏང་རྗེས་ཁ་ཕྱེ་དགོས། ཁྱེད་རང་ངའི་ནས་སྒྲིག་འགོད་དུ་བསྐྱོད་དེ། དེ་ནས་རང་གཤིས་ཅན་གྱི་ནང་དོན་འོས་སྦྱོར་ཁ་བརྒྱབ་ནས་རྩོལ་ནུས་འདིའི་ཁ་རྒྱག་ཆོག

མི་སྒེར་གྱི་ཆ་འཕྲིན་དང་འབྲེལ་བ་ནི། ཁྱེད་ཀྱི་ཧྭ་ཝེའི་དྲ་གྲངས་ ཆ་འཕྲིན། ཉེར་སྤྱོད་ཀྱི་རྨང་གཞིའི་ཆ་འཕྲིན། ཁྱེད་ཀྱིས་ཉེར་སྤྱོད་འདི་བེད་སྤྱོད་བཏང་བའི་ཆ་འཕྲིན་གྱི་སྐོར་དང་། སྒྲིག་ཆས་ཀྱི་མཁྲེགས་ཆས་ཆ་འཕྲིན་བཅས་འདུས།

མི་སྒེར་གྱི་ཁྱད་ཆོས་ལྡན་པའི་ནང་དོན་འོས་སྦྱོར་གྱི་ཁ་བརྒྱབ་རྗེས། ཁྱེད་ལ་སྔར་བཞིན་རིག་ལྡན་འཚོ་བའི་ལས་སྒོའི་འབྲེལ་ཡོད་ཀྱི་སྐབས་བསྟུན་འབུད་སྐྱེལ་བརྡ་འཕྲིན་འབྱོར་སྲིད། ཁྱེད་རང་ངའི་ནས་སྒྲིག་འགོད་དུ་བསྐྱོད་དེ། བརྡ་འཕྲིན་གྱི་བརྡ་ཐོའི་ཁ་བརྒྱབ་ནས་བརྡ་འཕྲིན་འབུད་སྐྱེལ་བྱེད་པའི་ཁ་རྒྱག་ཆོག

4. ལོ་ན་མ་སོན་པའི་སྐྱེས་བོའི་སྲུང་སྐྱོབ།

ཉེར་སྤྱོད་འདི་དར་མ་ཁོ་ནས་བཀོལ་བར་མཁོ་འདོན་བྱེད། གལ་ཏེ་ཁྱེད་རང་ལོ་ན་མ་སོན་པ་ཡིན་ན། ཁྱེད་ཀྱི་ལྟ་སྐྱོང་བྱེད་མིས་ཉེར་སྤྱོད་འདི་བེད་སྤྱོད་པར་མོས་མཐུན་བྱ་དགོས་པ་མ་ཟད། འབྲེལ་ཡོད་ཉེར་སྤྱོད་ཀྱི་ཞབས་ཞུའི་དོན་ཚན་ལ་མོས་མཐུན་བྱ་དགོས། ཕ་མ་དང་ལྟ་སྐྱོང་པས་ཀྱང་འོས་འཚམ་གྱི་སྔོན་འགོག་བྱ་ཐབས་སྤྱད་ནས་ལོ་ན་མ་སོན་པར་སྲུང་སྐྱོབ་བྱེད་དགོས། དེའི་ནང་དུ་དེས་ཉེར་སྤྱོད་འདིར་བེད་སྤྱོད་གཏོང་བར་ལྟ་རྟོག་བྱེད་པ་འདུས།

5. ཕྱོགས་གསུམ་པ་དང་མཉམ་སྤྱོད་བྱེད་པ།

ཁྱེད་ཀྱིས་ཧྭ་ཝེའི་རིག་ལྡན་འཚོ་བའི་འཕྲིན་ཕྲན་ཞབས་ཞུའི་ཨང་རྟགས(འཕྲིན་ཕྲན་ཞབས་ཞུའི་ཨང་རྟགས་ཀྱི་མིང་དེ་དབང་བསྐུར་སྐབས་ཕྱིར་མངོན་པའི་མིང་ཚད་གཞིར་འཛིན་རྒྱུ།)ནང་ཁྱེད་ཀྱི་སྒྲིག་ཆས་ཀྱི་གནས་ཚུལ་ལ་ལྟ་ཞིབ་བྱེད་པར་སྟབས་བདེ་ཡོང་ཆེད། ཁྱེད་རང་གིས་འཕྲིན་ཕྲན་འདེད་སྐྱེལ་ཁ་ཕྱེ་ནས་ཧྭ་ཝེ་ལ་ཁྱེད་རང་གི་སྒྲིག་ཆས་ཆ་གྱི་འཕྲིན་(སྒྲིག་ཆས་ཀྱི་མིང་དང་། སྒྲིག་ཆས་ཀྱི་པར་རིས། སྒྲིག་ཆས་གནས་སའི་ཁང་པའི་ཆ་འཕྲིན།)སྒྲིག་ཆས་ཀྱི་ཆ་འཕྲིན་(བརྡ་འཕྲིན་ཁ་བྱང་དང་། ནང་དོན། བརྡ་འཕྲིན་བྱུང་བའི་དུས་ཚོད།)བཅས་འཕྲིན་ཕྲན་ཞབས་ཞུའི་ཨང་རྟགས་(ཁྱེད་རང་གི་འཕྲིན་ཕྲན་དྲ་གྲངས་ཁོ་ནར་འདེད་སྐྱེལ་བྱེད།)ལ་འདེད་སྐྱེལ་བྱེད་དགོས།

ཁྱེད་རང་གི་བསམ་ཤེས་དང་མོས་མཐུན་ཡོད་པ་གནང་རྒྱུར། ཕྱོགས་གསུམ་པའི་ཞབས་ཞུ་གང་རུང་བེད་སྤྱོད་མ་བཏང་གོང་། ཁྱེད་རང་གིས་ཕྱོགས་གསུམ་པའི་ཉེར་སྤྱོད་དེའི་འབྲེལ་ཡོད་ཀྱི་དོ་བདག་གི་གྲོས་མཐུན་དང་སྒེར་གསང་སྲིད་ཇུས་ལྟ་ཀློག་བྱས་དང་བསམ་ཤེས་བྱས་པ་མ་ཟད་བརྩི་སྲུང་ཞུ་རྒྱུར་མོས་མཐུན་བྱས་ཡོད་པ་དང་། ཁྱེད་རང་གིས་ཕྱོགས་གསུམ་པའི་ཉེར་སྤྱོད་ལ་མཉམ་སྤྱོད་བྱས་པའི་མི་སྒེར་གྱི་ཆ་འཕྲིན་དེ་ཕྱོགས་གསུམ་པས་མཁོ་འདོན་བྱས་པའི་གསང་བའི་སྲིད་ཇུས་ཀྱིས་དོ་དམ་བྱེད་ཁོངས་ཡིན།

འཕྲིན་ཕྲན་འདེད་སྐྱེལ་ཆ་འཕྲིན་རྩོལ་ནུས་ནི་ཉེར་སྤྱོད་ཁྲོམ་ར་ནས་བཀྲམ་པའི་པར་གཞི་སོགས་ལ་མ་གཏོགས་རྒྱབ་སྐྱོར་མི་ཐོབ།

6. ཁྱེད་ཀྱི་གཞི་གྲངས་ལ་དོ་དམ།

ཁྱེད་ཀྱིས་རིག་ལྡན་འཚོ་བའི་ཉེར་སྤྱོད་བེད་སྤྱོད་པའི་རིང་ལ་སྔར་ལས་སྟབས་བདེ་བར་ཁྱེད་ཀྱི་མི་སྒེར་གྱི་ཆ་འཕྲིན་ལ་ལྟ་སྤྱོད་དང་དག་བཅོས་སུབ་པ་བཅས་བྱེད་ཆེད་དང་། དུས་མཚུངས་ཁྱེད་ཀྱིས་མི་སྒེར་གྱི་ཆ་འཕྲིན་སྤྱོད་པའི་ཆོག་མཆན་གྱི་ཁེ་དབང་ཕྱིར་འཐེན་བྱེད་ཐུབ་ཆེད་དུ་ང་ཚོས་ཐོན་རྫས་ཇུས་འགོད་ཀྱི་ནང་དུ་ཁྱེད་ལ་དེ་དང་མཐུན་པའི་བཀོལ་སྤྱོད་སྒྲིག་འགོད་མཁོ་འདོན་བྱས་ཡོད། ཁྱེད་ཀྱིས་གཤམ་གསལ་མཛུབ་ཁྲིད་ལ་ཟུར་དཔྱད་དེ་བཀོལ་སྤྱོད་གནང་ཐུབ།

(1) མི་སྒེར་གྱི་ཆ་འཕྲིན་ལ་ལྟ་སྤྱོད་བྱེད་པ།

ཁྱེད་ཀྱིས་སྦྲེལ་ཟིན་པའི་རིག་ལྡན་སྒྲིག་ཆས་ཀྱི་ལྡེབ་ངོས་ཀྱི་གཙོ་ངོས་ནས་སྒྲིག་ཆས་འཁོར་སྐྱོད་ཀྱི་རྣམ་པ་དང་ལོ་རྒྱུས་ཀྱི་ཟིན་ཐོར་བལྟ་ཆོག་ལ། སྒྲིག་ཆས་ཀྱི་སྒྲིག་འགོད་དྲ་ངོས་ནས་སྒྲིག་ཆས་ཀྱི་ཆ་འཕྲིན་ལ་བལྟ་ཆོག དེའི་ནང་དུ་སྒྲིག་ཆས་ཀྱི་མིང་དང་། སྒྲིག་ཆས་ཀྱི་གནས་ས། བཟོ་གྲྭའི་མིང་། MAC གནས་ཡུལ། རིམ་སྟར་ཨང་རྟགས། སྒྲིག་ཆས་ཀྱི་དྲ་རྒྱའི་ཆ་འཕྲིན་སོགས་འདུས་ཡོད།

ཁྱེད་ཀྱིས་ངའི་ནས་མཉམ་སྤྱོད་བྱས་ཟིན་གྱི་དྲ་ངོས་ནས་ཁྱིམ་ཚང་གི་ཚོགས་པའི་ཆ་འཕྲིན་ལ་བལྟ་ཆོག་ལ། བཟོ་ལྗོངས་ནས་ངའི་བཟོ་ལྗོངས་དྲ་ངོས་ལ་ལྟ་སྤྱོད་བྱས་ཏེ་བཟོ་ལྗོངས་སྒྲིག་འགོད་ཀྱི་ཆ་འཕྲིན་ལ་བལྟ་ཆོག གཞན་ད་དུང་རྩིས་ཐོའི་མགོ་རིས་ལ་རྡེབ་ནས་ཧྭ་ཝེའི་དྲ་གྲངས་ཀྱི་ཉེར་སྤྱོད་དུ་ལྡིང་ནས་ཁྱེད་ཀྱི་རྩིས་ཐོའི་ཆ་འཕྲིན་ལ་བལྟ་ཆོག ངའི་ཚོང་ར་ལ་རྡེབ་ནས་ཧྭ་ཝེ་ཁྲོམ་ར་ཡི་ཉེར་སྤྱོད་དུ་སོང་ནས་ཁྱེད་ཀྱི་ཚོང་ཁྲོམ་གྱི་སྒྲིག་འགོད་ཀྱི་ཆ་འཕྲིན་དང་བཀོལ་སྤྱོད་ཀྱི་ཟིན་ཐོ་བལྟ་ཆོག

(2) མི་སྒེར་གྱི་ཆ་འཕྲིན་གསུབ་པ།

ཁྱེད་ཀྱིས་རིག་ལྡན་སྒྲིག་ཆས་ཀྱི་སྒྲིག་འགོད། དེ་ནས་སྒྲིག་ཆས་བསུབ་པའམ་སྒྲིག་ཆས་དང་བསྡམ་པ་ཤིག་པའི་མཚམས་ངོས་སུ་ལྟ་སྤྱོད་བྱས་ནས་བསྡམས་ཟིན་པའི་རིག་ལྡན་སྒྲིག་ཆས་བསུབ་པ་དང་། རིག་ལྡན་འཚོ་བའི་ཉེར་སྤྱོད་རང་གནས་དང་ཞབས་ཞུ་ཆས་ཐོག་ཉར་ཚགས་བྱས་པའི་སྒྲིག་ཆས་ཀྱི་ཆ་འཕྲིན་གཙང་སེལ་བྱེད་ཆོག

ཁྱེད་ཀྱིས་བཟོ་ལྗོངས། ངའི་བཟོ་ལྗོངས་དྲ་ངོས་སུ་ཕེབས་ནས་ཁྱེད་ཀྱིས་སྔོན་མངགས་བྱས་པའི་བཟོ་ལྗོངས་ཤོག་བྱང་སུབ་པ་དང་ཞབས་ཞུ་ཆས་ཐོག་ཉར་ཚགས་བྱས་པའི་ཁྱེད་རང་གི་བཟོ་ལྗོངས་ཤོག་བྱང་ཆ་འཕྲིན་དུས་གཅིག་ཏུ་བསུབ་རྒྱུ་ཡིན།

ཁྱེད་ཀྱིས་རིག་ལྡན་འཚོ་བའི་ཉེར་སྤྱོད་བཤིག་ཕབ་བྱེད་པའམ་ཡང་ན་རིག་ལྡན་འཚོ་བའི་ཉེར་སྤྱོད་གཞི་གྲངས་གཙང་སེལ་བྱེད་པ་བརྒྱུད་ནས། རིག་ལྡན་འཚོ་བའི་ཉེར་སྤྱོད་ཀྱི་རང་གནས་སུ་ཉར་ཚགས་བྱེད་པའི་གཞི་གྲངས་གཙང་སེལ་བྱ་ཆོག དེ་མིན་རིག་ལྡན་འཚོ་བའི་ཁྲོད་ཀྱི་ངའི་ནས་སྒྲིག་འགོད། དེ་ནས་སྐོར་དུ་བསྐྱོད་དེ། ཞབས་ཞུ་མཚམས་འཇོག་ལ་རྡེབ་སྟེ་རིག་ལྡན་འཚོ་བ་སྤྱོད་མཚམས་འཇོག་པ་མ་ཟད་རིག་ལྡན་འཚོ་བའི་ཉེར་སྤྱོད་ཀྱི་རང་གནས་དང་ཞབས་ཞུ་ཆས་ཀྱི་ཐོག་ཉར་ཚགས་བྱས་པའི་མི་སྒེར་གྱི་ཆ་འཕྲིན་གཙང་སེལ་བྱ་ཆོག

(3) མི་སྒེར་གྱི་ཆ་འཕྲིན་གསར་སྒྱུར་བྱེད་པ།

ཁྱེད་ཀྱིས་བསྡམས་ཟིན་པའི་རིག་ལྡན་སྒྲིག་ཆས་ཀྱི་གཙོ་ངོས་དང་སྒྲིག་ཆས་ཀྱི་སྒྲིག་འགོད་མཚམས་ངོས་སུ་སྒྲིག་ཆས་འཁོར་བསྐྱོད་ཀྱི་དཔྱད་གྲངས་སྒྲིག་འགོད་དང་སྒྲིག་ཆས་ཀྱི་ཆ་འཕྲིན་བཟོ་བཅོས་བྱེད་ཆོག

ཁྱེད་ཀྱིས་ངའི་ནས་མཉམ་སྤྱོད་བྱས་ཟིན་གྱི་དྲ་ངོས་སུ་ཕེབས་ནས་ཁྱིམ་ཚང་གི་ཚོགས་པའི་ཆ་འཕྲིན་ལ་བཟོ་བཅོས་རྒྱག་ཆོག་ལ། བཟོ་ལྗོངས་ནས་ངའི་བཟོ་ལྗོངས་དྲ་ངོས་སུ་ལྟ་སྤྱོད་བྱས་ཏེ་བཟོ་ལྗོངས་སྒྲིག་འགོད་ཀྱི་ཆ་འཕྲིན་ལ་བཟོ་བཅོས་བཏང་ཆོག་པ་དང་། རྩིས་ཐོའི་མགོ་རིས་ལ་རྡེབ་ནས་ཧྭ་ཝེའི་ཐོ་ཨང་གི་ཉེར་སྤྱོད་དུ་ཕེབས་ནས་ཁྱེད་ཀྱི་རྩིས་ཐོའི་ཆ་འཕྲིན་ལ་བཟོ་བཅོས་བཏང་ཆོག ངའི་ཚོང་ར་ལ་རྡེབ་ནས་ཧྭ་ཝེ་ཁྲོམ་ར་ཡི་ཉེར་སྤྱོད་དུ་ཕེབས་ནས་ཁྱེད་ཀྱི་ཚོང་ཁྲོམ་གྱི་སྒྲིག་འགོད་ཆ་འཕྲིན་ལ་བཟོ་བཅོས་བཏང་ཆོག

(4) མོས་མཐུན་ཕྱིར་འཐེན་བྱེད་པ།

ཁྱེད་ཀྱིས་རིག་ལྡན་འཚོ་བའི་ཁ་ཕྱེ་སྟེ་ངའི་ནས་སྒྲིག་འགོད། སྐོར་ལ་བསྐྱོད་ནས། ཞབས་ཞུ་མཚམས་འཇོག་ལ་རྡེབ་སྟེ་མི་སྒེར་ཆ་འཕྲིན་བེད་སྤྱོད་པའི་མོས་མཐུན་ཕྱིར་འཐེན་བྱེད་པ་མ་ཟད་རིག་ལྡན་འཚོ་བའི་ཞབས་ཞུ་བེད་སྤྱོད་པ་མཚམས་འཇོག་ཆོག ཐེངས་རྗེས་མར་རིག་ལྡན་འཚོ་བའི་ཞབས་ཞུ་བེད་སྤྱོད་སྐབས་ཡང་བསྐྱར་དབང་སྤྲོད་བྱ་དགོས།

ཁྱེད་ཀྱིས་ངའི་ནས་སྒྲིག་འགོད། དེ་ནས་སྤྱོད་པ་པོའི་ཉམས་ལེན་ལེགས་བཅོས་འཆར་གཞིའི་ནང་དུ་ཞུགས་པ་ལ་ལྟ་སྤྱོད་བྱེད་ནས། སྤྱོད་པ་པོའི་ཉམས་ལེན་ལེགས་བཅོས་འཆར་གཞི་ལས་བུད་དེ། མི་སྒེར་ཆ་འཕྲིན་བེད་སྤྱོད་བྱེད་པའི་མོས་མཐུན་ཕྱིར་འཐེན་བྱེད་ཆོག

གལ་ཏེ་ཁྱེད་ཀྱིས་ཁྱེད་ཀྱི་གཞི་གྲངས་གྲུབ་ཆ་གཙོ་བོའི་ཁེ་དབང་ལ་དོགས་གནད་བསམ་འཆར་རམ་གྲོས་གཞི་གང་རུང་ཞིག་ཡོད་ཚེ། གསལ་བསྒྲགས་འདིའི་ནང་གི་ས་བཅད་ཇི་ལྟར་ང་ཚོར་འབྲེལ་གཏུག་བྱེད་ཅེས་པ་ཡི་ནང་དུ་བརྗོད་པའི་འབྲེལ་གཏུག་བྱ་ཐབས་བརྒྱུད་ནས་ང་ཚོ་དང་འབྲེལ་གཏུག་གནང་བ་མ་ཟད་ཁྱེད་ཀྱི་འབྲེལ་ཡོད་ཁེ་དབང་ལག་ལེན་བསྟར་ཆོག

ཁྱེད་ཀྱིས་ཀྱང་ཁྱེད་ཀྱི་ཧྭ་ཝེའི་ལག་ཁྱེར་ཁ་པར་/ངོས་ལེབ་ཐོག་ནས་དྲ་གྲངས་ལྟེ་གནས། སྒེར་གསང་ལྟེ་གནས། དེ་ནས་ཁྱེད་ཀྱི་གཞི་གྲངས་བུ་ཡིག་ལེན་པའམ་ཡང་ན་ཁྱེད་ཀྱི་གློག་ཀླད་ཐོག་ཧྭ་ཝེའི་ཐོ་ཨང་སྤྱད་ནས་ཧྭ་ཝེའི་སྒེར་གསང་ལག་ཆའི་དྲ་ཚིགས་(https://privacy.consumer.huawei.com/PrivacyTool/index.html)ལ་ཐོ་འཇུག་བྱེད་པ་དང་། དེ་ནས་ཁྱེད་ཀྱི་གཞི་གྲངས་བུ་ཡིག་ལེན་པ་ལ་རྡེབ་ནས་ཧྭ་ཝེ་ཡིས་གསོག་འཇོག་བྱས་པའི་ཁྱེད་ཀྱི་ཧྭ་ཝེའི་ཐོ་ཨང་དང་འབྲེལ་བའི་མི་སྒེར་གྱི་གཞི་གྲངས་བུ་ཡིག་ལེན་ཐུབ།

7. གཞི་གྲངས་གསོག་ཉར་བྱེད་ས་དང་དུས་བཅད།

གོང་གསལ་ཆ་འཕྲིན་དག་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་མངའ་ཁོངས་ཀྱི་ཞབས་ཞུ་ཆས་ཐོག་བརྒྱུད་གཏོང་དང་ཉར་ཚགས་བྱེད།

ང་ཚོས་གསལ་བསྒྲགས་འདིའི་ནང་བརྗོད་པའི་དམིགས་ཡུལ་མངོན་འགྱུར་བྱེད་པར་དགོས་ངེས་ཀྱི་དུས་ཚོད་ཁོ་ནའི་ནང་ཁྱེད་ཀྱི་མི་སྒེར་གྱི་ཆ་འཕྲིན་སོར་ཉར་བྱེད་པ་མ་ཟད། གཤམ་གྱི་སོར་བཞག་དུས་ཚོད་ལས་བརྒལ་རྗེས་ཁྱེད་ཀྱི་མི་སྒེར་གྱི་ཆ་འཕྲིན་སུབ་པའམ་མིང་མ་བཀོད་པར་ཐག་གཅོད་བྱེད་ཀྱི་ཡོད། བཅའ་ཁྲིམས་དང་ཁྲིམས་སྲོལ་ལ་བླང་བྱ་གཞན་ཡོད་པ་ཕུད།

རིག་ལྡན་འཚོ་བའི་ལས་སྒོ་གཉེར་སྐབས་ཁྱེད་ཀྱི་མི་སྒེར་གྱི་ཆ་འཕྲིན་ཉར་འཇོག་བྱེད་པའི་དུས་ཚོད་གཤམ་གསལ་ལྟར།

རིག་ལྡན་འཚོ་བའི་ཉེར་སྤྱོད་རང་གནས་སུ་ཉར་ཚགས་བྱེད་པའི་གཞི་གྲངས་ལ་མཚོན་ན། ཁྱེད་ཀྱིས་རིག་ལྡན་འཚོ་བའི་ཉེར་སྤྱོད་བཤིག་ཕབ་བྱེད་པའམ་རིག་ལྡན་འཚོ་བའི་ཉེར་སྤྱོད་ཀྱི་གཞི་གྲངས་གཙང་སེལ་བྱེད་པའམ་ཁྱེད་རང་གི་ཧྭ་ཝེའི་རྩིས་ཨང་བསུབ་སྐབས་སུ། ཉར་ཚགས་བྱས་པའི་གཞི་གྲངས་ཚང་མ་འཕྲལ་དུ་གསུབ་སྲིད།

ཞབས་ཞུ་ཆས་སུ་ཉར་ཚགས་བྱས་པའི་རིག་ལྡན་སྒྲིག་ཆས་དང་ལས་སྒོའི་གཞི་གྲངས་ཀྱི་ཐད་ནས། ཁྱེད་ཀྱིས་རིག་ལྡན་འཚོ་བའི་ཁྲོད་ནས་སྒྲིག་ཆས་སམ་བཟོ་ལྗོངས་ཤོག་བྱང་བསུབ་པའམ། ཡང་ན་ངའི་ནས་སྒྲིག་འགོད། སྐོར་དུ་བསྐྱོད་དེ་ཞབས་ཞུ་མཚམས་འཇོག་ལ་རྡེབ་པ་མ་ཟད་རིག་ལྡན་འཚོ་བའི་ཞབས་ཞུ་སྤྱོད་མཚམས་འཇོག་སྐབས། གསོག་ཉར་བྱས་པའི་གཞི་གྲངས་ཚང་མ་འཕྲལ་མར་བསུབ་རྒྱུ་དང་། ཁྱེད་རང་གི་ངའི་བཟོ་ལྗོངས་དྲ་ངོས་སུ་བཟོ་ལྗོངས་ཤོག་བྱང་བསུབ་རྗེས་བཟོ་ལྗོངས་ཤོག་བྱང་གི་ཆ་འཕྲིན་འཕྲལ་མར་སུབ་ཀྱི་རེད།

ཞབས་ཞུ་ཆས་ཀྱི་ཐོག་གསོག་འཇོག་བྱས་པའི་ལས་སྒོའི་ཉིན་ཐོ་དང་། བསྡོམས་རྩིས་གཞི་གྲངས། འཁོར་སྐྱོད་བྱེད་སྒོའི་གཞི་གྲངས། ལོ་རྒྱུས་ཟིན་ཐོ་བཅས་ལ་མཚོན་ན། ང་ཚོས་དུས་ངེས་ཅན་མིན་པར་ཞབས་ཞུ་ཆས་ཀྱི་གཞི་གྲངས་གཙང་སེལ་བྱེད་སྐབས་གསུབ་སྲིད་དེ། གཞི་གྲངས་ཉར་ཚགས་བྱེད་ཡུན་ལོ་གཉིས་(2)ལས་མི་བརྒལ།

བྱ་དགའི་རྒྱན་ལེན་དང་། དངུལ་བརྗེའི་འབྲེལ་ཡོད་ཀྱི་ཆ་འཕྲིན་གཞི་གྲངས་ཉར་ཚགས་བྱེད་ཡུན་ལོ་གཉིས་(2)ཡིན།

ཞབས་ཞུ་ཆས་སུ་ཉར་ཚགས་བྱས་པའི་སྒྲིག་ཆས་རིམ་སྤོར་གྱི་གཞི་གྲངས་ལ་མཚོན་ན། ཉར་ཡུན་ནི་སྤྱིར་བཏང་དུ་ཟླ་བ་དྲུག་(6)ལས་མི་བརྒལ། འོན་ཀྱང་གཞི་གྲངས་འདི་དག་ལས་སྒོའི་འཁོར་སྐྱོད་དབྱེ་ཞིབ་ཀྱི་བཟོ་ལྗོངས་སུ་སྤྱོད་སྐབས། ཉར་ཡུན་ནི་ལོ་བདུན་(7)ལས་མི་བརྒལ།

དེ་མིན། ང་ཚོའི་ཐོན་རྫས་སམ་ཞབས་ཞུ་འཁོར་སྐྱོད་བྱེད་མཚམས་འཇོག་པའི་གནས་ཚུལ་ཐོན་ཚེ། ང་ཚོས་བརྡ་ཐོ་དང་སྤྱི་བསྒྲགས་སོགས་ཀྱི་རྣམ་པའི་ཐོག་ནས་ཁྱེད་ལ་བརྡ་ཐོ་གཏོང་བ་མ་ཟད། ལུགས་མཐུན་གྱི་དུས་ཡུན་ནང་དུ་ཁྱེད་ཀྱི་མི་སྒེར་གྱི་ཆ་འཕྲིན་སུབ་པའམ་མིང་མི་འགོད་པའི་ཐོག་ནས་ཐག་གཅོད་བྱ་སྲིད།

8. སྤྱོད་མཁན་གྱི་ཁེ་དབང་དང་འབྲེལ་བའི་གསལ་འདེབས་བྱ་དགོས་པའི་དོན་ཚན་དང་འགན་མེད་ཀྱི་རྒྱུ་རྐྱེན་གཞན་དག

ཁྱེད་ཀྱིས་རིག་ལྡན་འཚོ་བའི་ཉེར་སྤྱོད་ཀྱི་མཚམས་ངོས་བརྒྱུད་དེ་ཕྱོགས་གསུམ་པའི་དྲ་ཚུགས་སམ་ཚོད་འཛིན་མཚམས་ངོས་འགའ་རེའི་ནང་དུ་འཛུལ་ཆོག་སྟེ། ཁྱེད་ཀྱིས་མགྱོགས་ལ་སྟབས་བདེ་བའི་ཞབས་ཞུ་ལོངས་སུ་སྤྱོད་བདེ་བའི་ཆེད་དུ་ཡིན། མཚམས་ངོས་འདི་ཚོ་ནི་ཕྱོགས་གསུམ་པས་ཁེར་རྐྱང་དུ་མཁོ་འདོན་བྱེད་ཅིང་། ཧྭ་ཝེ་ཡིས་དྲ་ངོས་ཀྱི་ནང་དོན་དང་ཞབས་ཞུ། ཆ་འཕྲིན་སོགས་ཀྱི་ཐད་ལ་གསལ་སྟོན་ནམ་ཟུར་བསྟན་ཐོག་གི་ཁག་ཐེག་ཅི་ཡང་མཁོ་འདོན་མི་བྱེད།

ཁྱེད་ཀྱིས་རང་ཚུགས་ཀྱིས་ཁྱེད་དང་སྦྲེལ་བའི་དྲ་ཚུགས་ཕན་ཚུན་གྱི་བྱ་སྤྱོད་ལ་བརྡར་ཤ་གཅོད་དགོས། ཁྱེད་ཀྱིས་ཐེངས་དང་པོར་ཕྱོགས་གསུམ་པའི་དྲ་ངོས་ནང་དུ་མ་འཛུལ་གོང་ལ། ཕྱོགས་གསུམ་པའི་ཞབས་ཞུ་མཁོ་འདོན་ཚོང་པས་ཁྱེད་ལ་འབྲེལ་ཡོད་ཀྱི་གྲོས་ཡིག་དང་གསང་བའི་གསལ་བསྒྲགས་སྟོན་སྲིད། ཁྱེད་ཀྱིས་གྲོས་ཡིག་དང་གསང་བའི་གསལ་བསྒྲགས་འདི་ཚོ་ནན་ཏན་གྱིས་བཀླག་རོགས་གནང་། ཕྱོགས་གསུམ་པའི་ཀུང་སི་འདི་དག་གིས་ཁྱེད་ཀྱི་ཧྭ་ཝེའི་ཐོ་ཨང་ལས་འགྱུར་སྐྱེས་ཀྱི་སྒོ་འབྱེད་ ID བེད་སྤྱད་ནས་གཞི་གྲངས་བསྡུ་རུབ་བྱེད། གོང་བརྗོད་ཀྱི་གཞི་གྲངས་ནི་ཕྱོགས་གསུམ་པས་ཁེར་རྐྱང་དུ་ཐག་གཅོད་བྱེད་ཅིང་། ཧྭ་ཝེ་ཡིས་གཞི་གྲངས་འདི་ཚོར་རེག་ཐབས་བྲལ།

9. ང་ཚོ་དང་ཇི་ལྟར་འབྲེལ་བ་བྱེད་དམ།

ང་ཚོས་མི་སྒེར་གྱི་ཆ་འཕྲིན་ལ་སྲུང་སྐྱོབ་བྱེད་པའི་ཆེད་ལས་སྡེ་ཁག་(ཡང་ན་མི་སྒེར་གྱི་ཆ་འཕྲིན་སྲུང་སྐྱོབ་བྱེད་པའི་ཆེད་བཏང་མི་སྣ།)བསྐོ་འཇོག་བྱས་ཡོད། ཁྱེད་ཀྱིས་སྒེར་གསང་གནད་དོན་གྱི་དྲ་ངོས་(https://consumer.huawei.com/cn/legal/privacy-questions/)ལ་ལྟ་སྤྱོད་བྱེད་པ་བརྒྱུད་ནས་དེ་དང་འབྲེལ་བ་བྱེད་ཆོག ང་ཚོས་གང་མགྱོགས་ཀྱིས་ལན་བསློག་ངེས་ཡིན།

གལ་ཏེ་ང་ཚོས་ལན་བཏབ་པ་ཁྱེད་ཀྱི་བློར་མི་འབབ་པའམ། ལྷག་པར་དུ་ང་ཚོས་མི་སྒེར་གྱི་ཆ་འཕྲིན་ཐག་གཅོད་པའི་བྱ་སྤྱོད་ཀྱིས་ཁྱེད་ཀྱི་ཁྲིམས་མཐུན་ཁེ་དབང་ལ་གནོད་འཚེ་བཟོས་ཚེ། ཁྱེད་ཀྱིས་བདག་སྐྱོང་དབང་ཆ་ཡོད་པའི་མི་དམངས་ཁྲིམས་ཁང་ལ་གཏུག་བཤེར་བྱེད་པ་དང་། ལས་རིགས་རང་གཅུན་མཐུན་ཚོགས་སམ་སྲིད་གཞུང་གི་འབྲེལ་ཡོད་དོ་དམ་ལས་ཁུངས་ལ་གཏུག་བཤེར་བྱེད་པ་སོགས་ཕྱི་རོལ་ཐབས་ལམ་བརྒྱུད་ནས་ཐག་གཅོད་བྱ་ཆོག ཁྱེད་ཀྱིས་ཀྱང་ང་ཚོའི་ཕྱོགས་ནས་སྤྱད་འཐུས་ཀྱི་འབྲེལ་ཡོད་ཞུ་གཏུག་ཐབས་ལམ་གྱི་ཆ་འཕྲིན་ལ་རྒྱུས་ལོན་བྱ་ཆོག

ཧྭ་ཝེ་ཡིས་ཐོག་མཐའ་བར་གསུམ་དུ་ང་ཚོའི་གསང་བའི་སྲིད་ཇུས་ལ་བརྩི་སྲུང་བྱས་ནས་ཁྱེད་རང་གི་ཆ་འཕྲིན་འཚོལ་སྡུད་དང་བེད་སྤྱོད་བྱ་རྒྱུ་རེད། ང་ཚོའི་སྒེར་གསང་སྲིད་ཇུས་ཀྱི་སྐོར་ནས་ཧྭ་ཝེའི་འཛད་སྤྱོད་པའི་ལས་སྒོའི་སྒེར་གསང་གསལ་བསྒྲགས་(https://consumer.huawei.com/minisite/legal/privacy/statement.htm?code=CN&language=bo-CN)ལ་གཟིགས་ཆོག

དེ་ལས་མང་བར་བལྟ་བ།